Kreml Qirg‘izistonda davlat to‘ntarishi uyushtirishga uringanlarning ommaviy hibsga olinishi haqidagi xavotirli xabarlarni diqqat bilan kuzatib bormoqda. Bu haqda Rossiya Federatsiyasi prezidenti matbuot kotibi Dmitriy Peskov ma'lum qildi.

“Albatta, juda xavotirli xabarlar kelyapti”, — dedi Peskov jurnalistlarga Qirg‘iziston OAVlari xabarlarini izohlar ekan.

“Biz yangiliklarni diqqat bilan kuzatib boryapmiz. Bizda boshqa batafsil ma’lumotlar yo‘q”, — deya qo‘shimcha qildi u.

Avvalroq Qirg‘iziston Milliy xavfsizlik davlat qo‘mitasi matbuot xizmati Bishkekda hokimiyatni zo‘ravonlik bilan egallab olishga tayyorgarlik ko‘rayotgan gumonlanuvchilarni ommaviy hibsga olinishi aks etgan videoni e'lon qilgandi.