Turkmaniston milliy yetakchisi, Turkmaniston Xalq Maslahati raisi Gurbanguli Berdimuhamedov Arqadag‘ shahriga qilgan ish safarida elektromobilni sinovdan o‘tkazdi. Bu haqda Turkmenportal xabar berdi.
Turkmaniston poytaxtidan 30 kilometr janubi-g‘arbda 950 gektar maydonda qurilayotgan Arqadag‘ shahrida yer usti elektr transportini joriy etish rejalashtirilgan. Bu Turkmanistonda jamoat elektr transportidan foydalanishning birinchi fakti bo‘ladi. Berdimuhamedov zamonaviy elektrobuslar va elektromobillarni ko‘zdan kechirdi.
Ushbu turdagi transportning xususiyati uning raqamli tizimga ulanishi va eshigida QR-kod mavjudligidir. Bu elektrotaksi haqida to‘liq ma’lumot olish, uning texnik xususiyatlari, joylashuvi, haydovchi ma’lumotlarini olish imkonini beradi. Yangi turdagi jamoat transporti bilan tanishgan Turkmaniston Xalq Maslahati raisi elektromobilni sinovdan o‘tkazdi. Gurbanguli Berdimuhamedov uning texnik holatini tekshirdi.
Eslatib o‘tamiz, Arqadag‘da taxminan 70 ming kishi istiqomat qiladi. Bu yerda smartfon orqali boshqariladigan “aqlli” turar joy binolari, hokimligi va boshqa muassasalar binolari barpo etildi.
Izoh (0)