O‘zbekistonning My Freighter (Centrum Air) loukosteri Qozog‘istonga muntazam qatnovlarni amalga oshiradi. Bu haqda Transport vazirligi matbuot xizmati xabar berdi.

5-iyundan boshlab Toshkent—Olmaota—Toshkent yo‘nalishi bo‘yicha to‘g‘ridan to‘g‘ri muntazam yo‘lovchi qatnovlari yo‘lga qo‘yildi. Mazkur yo‘nalishda qatnovlar haftasiga 3 marotaba dushanba, chorshanba va juma kunlari Airbus 320 samolyotlarida amalga oshiriladi.

Centrum Air aviakompaniyasi My Freighter tomonidan tashkil qilingan sho‘ba korxona hisoblanadi. Kompaniyaning yo‘lovchilar uchun parvozlari O‘zbekiston ichida ham, chet el mamlakatlarida ham amalga oshiriladi.