Xitoy mudofaa vaziri Li Shanfu Pekin va Vashington o‘rtasidagi qarama-qarshilik global falokatga olib kelishi mumkinligini aytdi.

Uning qo‘shimcha qilishicha, Xitoy va Qo‘shma Shtatlar o‘rtasidagi munosabatlar “ikki tomonlama munosabatlardan ko‘ra ko‘proq”. Shu bilan birga, Li Shanfu uning mamlakati Vashington bilan muloqotga intilayotganini qayd etdi.

“Xalqaro hamjamiyat barqaror munosabatlarni kutmoqda va yuzaga kelishi mumkin bo‘lgan har qanday mojaro yoki qarama-qarshilikdan xavotirda. Xitoy va AQSH o‘rtasidagi jiddiy mojaro yoki qarama-qarshilik butun dunyo uchun chidab bo‘lmas falokatga aylanishini inkor etib bo‘lmaydi”, — dedi Li Shanfu Singapurda xavfsizlik bo‘yicha xalqaro anjumanida so‘zlagan nutqida.

Ma’ruza davomida Li Shangfu Xitoy va AQSH “bir-biridan ko‘p jihatdan farq qilishini” ta’kidladi.

“Biroq bu ularning ikki tomonlama aloqalarni kengaytirish va hamkorlikni chuqurlashtirish uchun umumiy til va umumiy manfaatlarni izlashiga to‘sqinlik qilmasligi kerak”, — deya qo‘shimcha qildi u. Uning so‘zlariga ko‘ra, Pekin Osiyo-Tinch okeani mintaqasida xavfsizlik sohasidagi hamkorlik uchun ochiq, inklyuziv, shaffof va teng huquqli asos yaratish ustida ishlashga tayyor