Toshkent shahri Chilonzor tumanida 21 yoshli yigit tergovdan qochish maqsadida hojatxonadan pastga sakrab, vafot etgani xabar qilingandi. Shahar IIBB tomonidan voqeaning to‘liq tafsilotlari ochiqlandi.
IIBB tomonidan e‘lon qilingan videoda guvohlar, yigitni qabul qilib olgan shifokor fiklari ham keltirilgan. Marhum bilan birgalikda boshqarmaga tergov uchun olib kelingan yigitning so‘zlariga ko‘ra, ularga hech qanday bosim bo‘lmagan. Advokat yollash huquqi ham berilgan.
“O‘ng cho‘ntagida qora paketda narsa chiqdi. Haydovchi bo‘lganim sababli boshqarmaga birga keldim. U ham mening tanishim edi. Boshqarmada shu moddani topib olganini, chekishini aytdi. Men ovqat olib kelib, qaytib ketdim. Ertasi kuni telefon qildim. Mendan ovqat olib kelishimni so‘radi. Tezkor xodimlar meni chaqirishdi. Kuch ishlatish, urish kabi holatlar bo‘lmadi. Ikki kun o‘sha yerda bo‘lgan bo‘lsam, hech qanday yomon holatlar bo‘lmadi. Ichkarida so‘roq qilinayotgan vaqtim baqir-chaqir bo‘lib ketdi. Hafizulloh o‘zini tashlagan ekan”, — deydi voqea guvohi.
Tuman IIO FMB xodimlari Hafizullohga zudlik bilan tez tibbiy yordam ko‘rsatilishini ta‘minlash maqsadida shifoxonaga olib borilgan. Unga bosh miya yopiq jarohati, bosh miya yopiq lat yeyishi, bosh suyagining sinishi, tana a‘zolarining gematomasi tashxisi qo‘yilgan. 29-may kuni u kasalxonada vafot etgan.
Qayd etilishicha, ijtimoiy tarmoqlarda marhum ichki ishlar xodimlari tomonidan kaltaklanishi oqibatida vafot etgan, degan fikrlar haqiqatdan yiroq.
Izoh (0)