So‘nggi vaqtlarda mamlakatimizda qishloq xo‘jaligi yerlarining samaradorligini oshirishga, ushbu jarayonlarda esa suvni tejaydigan texnologiyalarni qo‘llashga alohida e’tibor qaratilmoqda.
Aynan ushbu yo‘nalishda 2023-yil 18-aprel kuni prezident Shavkat Mirziyoyev boshchiligida o‘tkazilgan yig‘ilishda suv tejovchi texnologiyalarni joriy etish masalasi tanqidiy muhokama qilingandi.
O‘tgan davrda qishloq xo‘jaligida suv tejovchi texnologiyalarni joriy qilish uchun 5 trln so‘m kredit ajratilgan bo‘lib, mablag‘lar hisobiga 1 mln gektarda suv tejovchi texnologiyalar joriy qilingan bo‘lsa-da, sohada qator kamchiliklar mavjudligi qayd etilgan.
Xususan, suvni tejaydigan sug‘orish tizimlarini ishlab chiqarish, yetkazib berish, xarid qilish, joylarda loyihalashtirish va o‘rnatishdagi kamchiliklar hamda ayrim qishloq xo‘jaligi mahsulotlari ishlab chiqaruvchilarning bu boradagi ko‘nikmalari yetarli emasligi mazkur texnologiyalarning o‘z vaqtidan kechikib joriy qilinishiga sabab bo‘lmoqda.
Yuqoridagi mavjud mavjud kamchilik va muammolarni bartaraf etish, mintaqadagi suv tanqisligining salbiy ta’sirini yumshatish, suv resurslaridan yanada samarali foydalanish maqsadida, prezidentning bevosita tashabbusi bilan “Agrobank” tomonidan “Suvchilar maktabi” tashkil etildi.
“Suvchilar maktabi” loyihasi Suv xo‘jaligi vazirligi, Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti bilan hamkorlikda yo‘lga qo‘yildi.
Mazkur maktabda qishloq xo‘jaligida suvdan foydalanish madaniyatini oshirish, suv tejovchi texnologiyalardan foydalanishning ilg‘or usullari bo‘yicha bilimlar beriladi. O‘quv jarayonlari multimaydon shaklida, ham nazariy ham amaliy shaklda — o‘quv xonalarida va dalaning o‘zida ham o‘tkazilib, tinglovchilarga bir nechta mavzular bo‘yicha malakaviy darslar o‘tiladi.
O‘quv mavzularida, suvdan tejovchi texnologiyalar turlari, afzalliklari va ularning samaradorligi, sohadagi xorijiy tajriba hamda zamonaviy sug‘orish tizimining ahamiyati va suvdan foydalanish madaniyati Turkiya misolida o‘rgatiladi.
Bundan tashqari, iqtisodiy va huquqiy savodxonlik bo‘yicha darslarda subsidiya, kafilliklar, soliq imtiyozlari va bank kreditlari bo‘yicha bilimlar beriladi.
Ta’kidlab o‘tish lozimki, “Suvchilar maktabiga” 60 mingta fermer xo‘jaligi, 4 mingga yaqin suv xo‘jaligi xizmati xodimlari, bir ming nafardan ortiq bank xodimlari jalb qilinadi. Shuningdek, joylarda o‘quvlarni tashkil qilish uchun butun respublika bo‘ylab 5 ta sayyor guruhlar tashkil etiladi.
Maktab bilan bog‘liq barcha xarajatlar “Agrobank” tomonidan moliyalashtiriladigan bo‘lib, dastlabki bosqich uchun 26 mlrd so‘m mablag‘ ajratilgan.
Maktabning ochilish marosimida qatnashgan “Agrobank” ATB boshqaruvi raisi Rustam Mamatkulov, jumladan shunday dedi:
— Qishloq xo‘jaligini moliyalashtiruvchi tijorat banki vakili sifatida suvdan oqilona foydalanishni qo‘llab- quvvatlashda katta mas’uliyatimiz bor. Xususan, prezidentning ushbu yo‘nalishda Agrobankka muhim vazifalarni belgilab berdilar. Ushbu vazifalardan kelib chiqib, qishloq xo‘jaligi sohasida suvdan oqilona foydalanish bo‘yicha bilim va ko‘nikmalarni oshirishga qaratilgan “Suvchilar maktabi”ni tashkil qildik.
Qayd etilganidek, suv tejovchi texnologiyalar joriy qilish bo‘yicha ajratiladigan kreditlarni elektron shaklga o‘tkazgan holda suvkredıt.uz platformasi faoliyati yo‘lga qo‘yiladi.
O‘quv kurslarini tugatganlarga ushbu platforma orqali qisqa muddatlarda kredit olish joriy qilinadi hamda servis xizmatlari ko‘rsatish tashkil etiladi.
Suv xo‘jaligini isloh qilish borasida Isroil, Turkiya, Ispaniya va Xitoydan tajribali mutaxassislar jalb qilinib boriladi.
Reklama huquqi asosida.