Avstriyaning ÖBB temiryo‘l kompaniyasi ma’lum qilishicha, bir nechta lamalar Venadagi sirkdan qochib, temiryo‘l bo‘ylab sayr qilishgan.

“Lamalar bo‘yicha hech qanaqa drama yo‘q! Shahar poyezdlari harakati bir muddat izdan chiqdi: lamalar temiryo‘lga chiqib olishdi. Hozir ular yana sirkka qaytarildi!”, — deb yozdi kompaniya Twitter’da.

Kompaniya vakili Der Standard nashriga mahalliy vaqt bilan soat 10.55 dan 11.15 gacha Vena markaziy vokzalidan Vena-Meydling stansiyasi o‘rtasida poyezdlar harakati to‘xtatilganini ma'lum qilgan.