Tabiat resurslari vazirligi “Xalqaro atrof-muhit kuni”ga bag‘ishlab 4-iyun kuni soat 10:00 da maxsus ekologik harakat — plogging tashkil etadi.
Plogging — bu ekologik harakat bo‘lib, unda ishtirokchilar maʼlum masofani bosib o‘tadi va bir vaqtning o‘zida chiqindi yig‘ishadi. Bu yugurishni yaxshi ko‘radigan va atrof-muhitga qayg‘uradigan har bir kishi uchun maxsus tashkil etilgan.
Qoraqalpog‘istonda to‘plangan plastmassadan Sanfa yovvoyi hayvonlarni sug‘orish uchun geomembrana ishlab chiqaradi. Ushbu material yovvoyi hayvonlarning toza suv ichishiga yordam beradi. Geomembrana Qoraqalpog‘istondagi qo‘riqxonalardan biriga 17-iyun kuni nishonlanadigan Butunjahon cho‘llanish va qurg‘oqchilikka qarshi kurashish kuniga qadar o‘rnatiladi.
Ploggingda ishtirok etish shartlari:
- “My.prorun.uz” havolasida ro‘yxatdan o‘tish;
- chiqindi yig‘ish punktiga qadar kamida 3 kilometr masofani bosib o‘tish, Strava yoki shunga o‘xshash ilova yordamida harakatingizni yozib olish;
- yig‘ilgan plastmassani qabul qilish punktiga topshirgandan so‘ng, natijani ijtimoiy tarmoqlarda eʼlon qilish, tashkilotchilar: @ecogov.uz va hamkorlar: @cocacola_uzbekistan, @prorun.uz, @sqbuz ni belgilang hamda #beatplasticpollution #plastik ifloslanishga qarshi kurash xeshteglaridan foydalanish.
Shartlarni bajargan barcha ishtirokchilarga, shuningdek, 3 kilometrdan kam masofani bosib o‘tganlarga kepka, shoper va futbolka beriladi.
Musobaqada har bir ishtirokchi topshirgan plastmassaning og‘irligi tarozilar orqali aniqlanadi. G‘oliblar mutlaq reytingda jinsga ajratilmaydi, bir vaqtning o‘zida topshirilgan plastmassaning og‘irligi va ishtirok etish uchun barcha shartlarni bajarganiga qarab aniqlanadi.
Mutlaq chempionatda birinchi o‘rindan uchinchi o‘ringacha bo‘lgan ishtirokchilar 4-bandda ko‘rsatilgan barcha shartlarga rioya qilgan holda hamkor SQBning pul sertifikatlari bilan taqdirlanadi:
- 1-o‘rin – 3 000 000;
- 2-o‘rin – 2 000 000;
- 3-o‘rin – 1 000 000.
G‘oliblar 4-iyun kuni soat 20:30 da plogging tashkilotchilari va hamkorlarning rasmiy sahifalarida eʼlon qilinadi. Qabul punkti joylashgan joy: Z.M. Bobur nomidagi Toshkent markaziy ekoparki.
Chiqindilarni qabul qilish punkti ish vaqti: 4-iyun, soat 07:00 dan 20:00 gacha. Ishtirok etish bepul.