Slovakiya Bosh prokuraturasi xodimlarining kompyuterlariga ichki hujjatlarning sizib chiqishini cheklovchi dastur yashirincha o‘rnatildi, deb xabar berdi Slovakiyaning sme.sk portali.

“Ichki hujjatlarning sizib chiqishini cheklashi kerak bo‘lgan xavfsizlik dasturi prokuratura boshlig‘i Maros Zilinka (Slovakiya Bosh prokurori) tomonidan prokuraturadagi kompyuterlarga o‘rnatilgan. Tizim uzoq vaqt sinovdan o‘tgan. Prokurorlarning o‘zlari bundan xabar topgach, kompyuterlari qanchalik nazorat qilinayotgani va ularning ma’lumotlari qanday maqsadlarda ishlatilishi haqida ma’lumot talab qila boshladilar”, — deb yozadi nashr.

Portal ma’lumotlariga ko‘ra, tizim may oyidan boshlab to‘liq ishga tushirilgan. Bosh prokuratura yangi dasturiy ta’minot haqidagi ma’lumotga izoh bermadi, departament faqatgina kiberxavfsizlik bo‘yicha barcha choralar qonunga muvofiq ko‘rilganiga ishontirdi.