O‘zbekistonda may oyida 20,6 milliard so‘mlik elektr energiyasidan noqonuniy foydalanish holatlari aniqlandi, deb xabar bermoqda Energetika vazirligi axborot xizmati.
Unga ko‘ra, may oyida Energetika vazirligi huzuridagi “O‘zenergoinspeksiya” va huquqni muhofaza qiluvchi organlar bilan hamkorlikda o‘tkazilgan nazorat tadbirlarida 135 ta holatda isteʼmolchilar tomonidan 23 million kVt/soat elektr energiyasidan noqonuniy foydalanish holatlari aniqlangan. Buning natijasida tizimga 20,6 milliard so‘m zarar keltirilgani maʼlum bo‘ldi.
Noqonuniy foydalanishning eng ko‘p holatlari Samarqand, Jizzax va Buxoro viloyatlari hissasiga to‘g‘ri keladi. Qoidabuzar isteʼmolchilarga nisbatan belgilangan tartibda choralar ko‘rilib, tegishli hujjatlar huquqni muhofaza qiluvchi organlarga taqdim etildi. Nazorat tadbirlari davom etmoqda.
Izoh (0)