“Ukraina NATOga a’zo bo‘lmagani uchun kompensatsiya olishi kerak” — Litva prezidenti

Litva prezidenti Gitanas Nausedaning aytishicha, G‘arb ittifoqchilari NATOga to‘liq a’zolikni bermaganliklari uchun Ukrainaga kompensatsiya to‘lash yo‘lini topishlari kerak.

Bu haqda u Bulboaka (Moldova)da bo‘lib o‘tadigan Yevropa siyosiy hamjamiyatining sammiti arafasida jurnalistlar oldida chiqishi chog‘ida aytib o‘tdi, deb yozadi Sky News. “Ukraina urush tugaganidan keyin nima bo‘lishini bilishi kerak”, — dedi Nauseda.

Shu bilan birga, alyans bosh kotibi Yens Stoltenberg urush tugaganidan keyin Ukraina xavfsizligi kafolatlanishi kerakligini, biroq ittifoqchilar buni qanday tashkil qilish tafsilotlarini hali ishlab chiqmaganini aytdi.

“Urush tugagach, biz Rossiyaning Ukrainaga qarshi harakatlarida pauzaga olib kelmaydigan tuzilmaga ega bo‘lishimiz kerak”, — dedi Stoltenberg .