Samarqand shahridagi Arxeologiya instituti qarshisida qurilayotgan binoning 7-qavatidan zinapoyalar orasidan pastga tushib ketgan ishchi vafot etgan. “Daryo” so‘roviga javoban Samarqand viloyati IIB axborot xizmati rahbari buni tasdiqladi.
Ma’lumotlarga ko‘ra, voqea 6-may kuni soat 08:00 larda sodir bo‘lgan. Suvoqchilik ishlari bilan shug‘ullangan qashqadaryolik B.A. voqea joyida vafot etgan.
Holat yuzasidan Samarqand shahar bo‘yicha IIO FMB huzuridagi tergov bo‘limi tomonidan Jinoyat kodeksining 257-moddasi (mehnatni muhofaza qilish qoidalarini buzish) 2-qismi “a” bandi bilan jinoyat ishi qo‘zg‘atilgan.
2022-yil dekabrda Rossiyaning Sankt-Peterburg shahri Petrogradskiy tumanida o‘zbekistonlik ishchi 7-qavatdan tushib ketib, vafot etgani, shu yilning aprel o‘rtalarida esa Toshkent shahri Bektemir tumanidagi 14-aprel kuni 289-maktabda 11-sinf o‘quvchisi 3-qavatdan tushib ketgani to‘g‘risida xabar berilgandi.
Izoh (0)