“Real Madrid” yarim himoyachisi Luka Modrich joriy mavsum yakunida ispan klubini tark etishi mumkin.
OK Diario nashrining xabar qilishicha, 37 yoshli futbolchi Saudiya Arabistonidan taklif olgan. “Oltin to‘p” sohibiga arablar uch yillik shartnoma uchun 120 million yevro to‘lashga tayyor.
Qayd etilishicha, Modrich klub rahbariyatiga ketish istagida ekanini ma’lum qilgan. O‘z navbatida Ispaniyadagi boshqa bir nechta manba Modrichning ketmasligi haqida yozgan.
Modrichning “Real” bilan amaldagi shartnomasi 2023-yilning iyun oyida tugaydi. Avvalroq italiyalik insayder Fabrisio Romano tomonlar shartnomani uzaytirish borasida kelishuvga erishgani, biroq klub so‘nggi qarorni futbolchining o‘ziga qoldirishini aytgandi.
Luka “Real”da 2012-yildan beri harakat qilib keladi. Madrid jamoasi safida u 22 ta sovringa ega chiqdi, ular orasida 5 ta Chempionlar Ligasi va 3 ta La Liga bosh sovrini bor. 2018-yilda xorvatiyalik yarim himoyachi “Oltin to‘p”ga sazovor bo‘lgandi.
“Real” yozda markaziy yarim himoya chizig‘ini “Borussiya D” vakili Jud Bellinghem bilan to‘ldiradi.
Avvalroq “Real” to‘purari Karim Benzema Saudiya Arabistonidan taklif olgani xabar qilingandi.
Izoh (0)