Rossiya Xavfsizlik kengashi raisi o‘rinbosari Dmitriy Medvedev 30-may kuni Moskvaga uyushtirilgan dronlar hujumiga munosabat bildirdi. U hujumni terrorchilik harakati deb hisobladi va bunga imkon qadar keskin javob berish kerakligini aytdi.
“Bu aksilterror kurash maxsus harbiy operatsiyaga aylangan. Biz xalqimizni o‘ldirayotgan terrorchilarga qarshi kurashamiz. Javob qanday bo‘lishi aniq. Ular yo‘q qilinishi kerak. Xuddi ari uyasi kabi. Ukrainada shakllangan rejim yo‘q bo‘lishi kerak, uni yo‘q qilish kerak. Aks holda u yerdan doimo tahdid paydo bo‘ladi va biz bir yildan ortiq vaqtdan beri o‘tkazilayotgan amaliyotga o‘xshash operatsiyalarni doimiy ravishda amalga oshirishga majbur bo‘lamiz”, — dedi Medvedev Volgograd viloyatidagi Prudboy poligoniga tashrifi chog‘ida.
Xavfsizlik kengashi raisi o‘rinbosarining so‘zlariga ko‘ra, Moskvaga hujumdan maqsad tinch aholiga zarar yetkazish bo‘lgan. Uning ta’kidlashicha, 30-may kuni sodir bo‘lgan hodisada qo‘llanilgan dronlar na harbiy obyektlarga, na davlat boshqaruvi obyektlariga zarar yetkaza olmaydi.
Izoh (0)