Toshkent shahar Uchtepa tumanida 4 ta mashina ishtirokida avtohalokat sodir bo‘ldi. Bu haqda Yo‘l harakati xavfsizligi boshqarmasi axborot xizmati xabar berdi.
Unga ko‘ra, holat 31-may kuni soat 16:45 larda Uchtepa tumani Zargarlik ko‘chasida sodir bo‘lgan. 1994-yilda tug‘ilgan H.Y. boshqaruvida bo‘lgan Lacetti, 1976-yilda tug‘ilgan A.I. boshqaruvida bo‘lgan Cobalt, 2003-yilda tug‘ilgan F.S. boshqaruvida bo‘lgan Changan, 1993-yilda tug‘ilgan F.S. boshqaruvida bo‘lgan Spark ishtirokida yo‘l-transport hodisasi sodir bo‘lgan.
YTH natijasida Spark rusumli avtomashina haydovchisi tan jarohat olib, shifoxonaga olib ketilgan. Holat yuzasidan Toshkent shahar IIBB YHXB mas‘ul xodimlari tomonidan surishtiruv harakatlari olib borilmoqda.
Izoh (0)