Yevropa Ittifoqi Kosovo shimolidagi Zvechan shahrida sodir bo‘lgan “shokka soluvchi zo‘ravonlik”ni qat’iy qoralaydi. Bu haqda 30-mayga o‘tar kechasi Yevropa Ittifoqining tashqi ishlar va xavfsizlik siyosati bo‘yicha oliy vakili Jozep Borrel Twitter’da yozdi.
“KFOR (NATO boshchiligidagi xalqaro tinchlikparvarlik missiyasi), ommaviy axborot vositalari vakillari, tinch aholi va politsiyaga qarshi zo‘ravonlik harakatlariga mutlaqo yo‘l qo‘yib bo‘lmaydi”, — deyiladi uning tvitida.
“Yevropa Ittifoqi Kosovo hukumati va namoyishchilarni keskinlikni zudlik bilan va so‘zsiz pasaytirishga chaqiradi. Biz tomonlardan mas’uliyat bilan ish ko‘rish va muammoga muloqot orqali darhol siyosiy yechim topishni kutamiz”, — deb yozdi Borrel.
Bunga qadar Germaniya tashqi ishlar vazirligi ham Kosovo shimolidagi keskinlikni kamaytirishga chaqirib, Zvechan va boshqa shaharlarda sodir etilgan zo‘ravonlik harakatlarini “nomaqbul” deb atagan edi. Berlin Belgrad va Prishtinani vaziyatni keskinlashtirish va Yevropa Ittifoqi shafeligida fevral va mart oylarida erishilgan munosabatlarni normallashtirish bo‘yicha kelishuvlarni amalga oshirish bo‘yicha muzokaralar olib borishga chaqirdi.
Kosovoda 25 nafar tinchlikparvar yaralandi
Kosovo shimolidagi ma’muriy binolarga etnik serblar tomonidan uyushtirilgan hujumlar oqibatida kamida 50 nafar namoyishchi va KFOR tinchlikparvar missiyasining 25 ga yaqin vakili jarohatlangan. KFOR qo‘shimcha kuchlari respublika shimoliga, jumladan, Zvechan shahriga jo‘natildi — u yerda 26-may kuni serblar yangi merni shahar meriyasiga kuzatib borayotgan politsiyaga hujum qilgan. Kosovo huquq-tartibot xodimlari namoyishchilarga qarata ko‘zni yoshlatuvchi gaz ishlatgan. KFOR kuchlari politsiyaga ma’muriyat binosini qo‘riqlashda yordam berishda davom etmoqda.
Izoh (0)