Toshkentda firibgarlik bilan 44 ming dollarni o‘zlashtirgani uchun qidiruvda bo‘lgan erkak ushlandi. Bu haqda IIV Kiberxavfsizlik markazi xabar qildi.
Qayd etilishicha, Andijon shahrida yashovchi, 38 yoshli erkak A.A. fuqarolarning 44 ming AQSH dollar pullarini firibgarlik yo‘li bilan o‘zlashtirgani uchun Jinoyat kodeksining 168-moddasi 4-qismi “a” bandida ko‘rsatilgan jinoyatni sodir etishda ayblangan. Tergov va sud organlaridan yashiringani sababli unga nisbatan qidiruv e’lon qilingan.
Axborot texnologiyalari imkoniyatidan foydalangan holda olib borilgan tezkor-qidiruv tadbirlari natijasida u Toshkent shahrida yashirinib kelayotgani aniqlanib, qo‘lga olingan va qamoqqa olish ehtiyot chorasi qo‘llangan.
Qonunga muvofiq, A.A. sodir etgan jinoyat uchun 8 yildan 10 yilgacha ozodlikdan mahrum qilish jazosi nazarda tutilgan.
Izoh (0)