Prezident Shavkat Mirziyoyev yoqilg‘i-energetika sohasida davlat nazorati mexanizmlarini takomillashtirishga qaratilgan farmonni imzoladi.
Hujjat bilan prokuratura organlari xodimlarining soni ko‘paytirilmoqda:
- Prokuratura organlarining boshqaruv xodimlari soni — 4 195 nafardan 4 886 nafarga;
- Prokuratura tergovchilarining soni — 252 nafardan 316 nafarga.
Bundan tashqari, bosh prokurorga beshinchi o‘rinbosar lavozimi ham ochilmoqda. Boshqarma va bo‘limlar soni 39 taga yetkaziladi (oldin 35 ta edi).
Fevral o‘rtalarida bosh prokurorning yoqilg‘i-energiya resurslaridan foydalanish sohasida qonunchilikka rioya etilishi va uning ijrosi ustidan nazoratni amalga oshirishga mas’ul bo‘lgan o‘rinbosari lavozimi kiritilishi to‘g‘risida xabar berilgandi.
2022-yil dekabrda Shavkat Mirziyoyev “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi farmon va uning ijrosini samarali tashkil etish bo‘yicha qaror imzolagan. Unga ko‘ra, 2023-yil 1-yanvardan boshlab barcha vazirliklarning shtatlari 30 foizgacha qisqartirilishi kerak. Shuningdek, prezident farmoni bilan vazirliklar sonini 25 tadan 21 tagacha qisqartirilgan.
Izoh (0)