Tashqi mehnat migratsiyasi agentligi Rossiya poytaxtida O‘zbekiston fuqarosi vafot etgani aytilgan xabarlarga munosabat bildirdi.
Ijtimoiy tarmoqlarda Moskva shahrida 48 yoshli o‘zbekistonlik mehnat migrantining politsiya tomonidan hujjatlarini tekshirish vaqtida vafot etgani haqida xabarlar tarqaldi.
Tashqi mehnat migratsiyasi agentligining Moskva shahridagi vakolatxonasi tomonidan ushbu holat o‘rganilishi natijasida maʼlum bo‘lishicha, fuqaro O.O. sog‘lig‘i yomonlashgani sababli Botkina nomidagi shahar shifoxonasiga joylashtirilgan.
Shifoxona xodimlari tomonidan ko‘rsatilgan tibbiy yordamlarga qaramasdan, u vafot etgan. Politsiya xodimlari tomonidan hujjatlarini tekshirish natijasida uning vafot etgani haqidagi maʼlumot tasdiqlanmagan.
“25-may kuni ushbu vafot etgan fuqaroning jasadi O‘zbekistonga qaytarilgan”, — deyiladi xabarda.
Xorijdagi o‘zbekistonliklar o‘limi
May boshlarida Qozog‘istonning Qizilo‘rda shahridagi qurilishda o‘zbekistonlik erkak halok bo‘lgandi. Shuningdek, Rossiya qamoqxonasidan Ukrainadagi urushga “safarbar qilingan” 23 yoshli o‘zbekistonlik halok bo‘lgani, Turkiyada o‘zbekistonlik fuqaro parda tikadigan mashina orasida qisilib qolishi oqibatida vafot etgani, Rossiyadagi uyda yuz bergan yong‘inda 3 nafar o‘zbekistonlik halok bo‘lgani to‘g‘risida xabar berilgandi.
Izoh (0)