Toshkent shahrining Yashnobod tumanida yashovchi 54 yoshli erkakka o‘zi yashaydigan uyning kirish yo‘lagida qo‘shnisining 11 yoshli qiziga nisbatan uyatsiz, buzuq harakatlar qilgani uchun qamoqqa olish ehtiyot chorasi qo‘llanildi. Bu haqda “Daryo” muxbiri xabar bermoqda.
Maʼlum qilinishicha, 1969-yilda tug‘ilgan, U.A. “Oilaga, yoshlarga va axloqqa qarshi jinoyatlar” turkumiga kiruvchi — o‘n olti yoshga to‘lmagan shaxsga nisbatan uyatsiz, buzuq harakatlar qilish jinoyatini sodir etganlikda gumon qilingan. Yaʼni, u o‘zi istiqomat qilib kelayotgan uyning kirish yo‘lagida voyaga yetmagan 2012-yilda tug‘ilgan A.ning qarovsiz yurganligini ko‘rib, uning ikkala yelka qismidan qo‘llari bilan ushlab, yuz va lablaridan o‘pib, orqa qismidan ushlab, unga nisbatan uyatsiz-buzuq harakatlar qilgan.
Olib borilgan tergov jarayonida U.A. Jinoyat protsessual kodeksining 227-moddasi tartibida ushlanib, unga nisbatan 129-moddasi 2-qismi (o‘n olti yoshga to‘lmagan shaxsga nisbatan uyatsiz-buzuq harakatlar qilish) bilan jinoyat ishi qo‘zg‘atilgan. Hozirda tergov olib borilmoqda.
U.A.ning dastlabki tergovdan yashirinishi mumkinligini inobatga olib, unga nisbatan qamoqqa olish tarzidagi ehtiyot chorasi qo‘llanilgan.
Eslatib o‘tamiz, ushbu modda bilan aybdor deb topilgan shaxs uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
Izoh (0)