Superliga. “Paxtakor” o‘zida “Surxon” ustidan qiyin g‘alabani qo‘lga kiritdi

Futbol bo‘yicha O‘zbekiston Superligasining 12-turida “Paxtakor” 29-may, dushanba kuni “Surxon”ga qarshi bahs olib bordi.

Uchrashuvning birinchi bo‘limida darvozalar daxlsiz qoldi. Ikkinchi bo‘limda faolroq harakat qilgan “sherlar” hisobni ochdi. 75-daqiqada Dragan Cheran o‘z hisobiga gol yozdirib qo‘ydi. Ushbu gol o‘yin so‘nggiga qadar yagonaligicha qoldi va “Paxtakor”ga g‘alaba keltirdi.

Maksim Shatskix shogirdlari ochkolari sonini 24 taga yetkazib, 2-o‘ringa ko‘tarilib oldi. “Surxon” esa 15 ochko bilan 8-pog‘onadan joy olgan. 

12-turdan so‘ng musobaqa jadvali quyidagicha ko‘rinish oldi: 

Superliga

12-tur bahsi

29-may, dushanba

“Paxtakor” – “Surxon” 1:0

Gol: 1:0 — 75 Cheran

“Paxtakor”: 35. Sanjar Quvvatov, 3. Xojiakbar Alijonov, 4. Dostonbek Tursunov (77. Dilshod Saitov, 58), 5. Muhammadqodir Hamraliyev, 7. Odiljon Hamrobekov, 8. Azizbek Turg‘unboyev, 10. Dragan Cheran, 17. Dostonbek Hamdamov, 27. Sardor Sobirxo‘jayev, 34. Farruh Sayfiyev, 88. Shahzod Azmiddinov.

“Surxon”: 1. Artyom Potapov, 2. Bobur Asqarov (4. Shamil Gasanov, 79), 3. Sunnatullo Hamidjonov, 5. Azizbek Pirmuhamadov (17. Jahongirbek Abdusalomov, 61), 6. Artem Sokol, 7. Doston Tursunov (77. Asadbek Karimov, 85), 8. Humoyun Sherbo‘tayev, 18. Silvanus Nimeli (9. Muhammadali Abdurahmonov, 85), 27. Asilbek Jumayev (10. Tamirlan Jamalitdinov, 85), 55. Humoyun Sultonmurodov, 66. Behruz Shaydulov.

Ogohlantirishlar: Humoyun Sherbo‘tayev (18), Shahzod Azmiddinov (70), Muhammadqodir Hamraliyev (90+3).