Farg‘ona viloyatining Quvasoy shahrida Milliy gvardiya Qo‘riqlash boshqarmasi hamda tez yordam avtomobillari ishtirokida yo‘l-transport hodisasi sodir bo‘ldi. Bu haqda boshqarma matbuot xizmati xabar berdi.
Mazkur holat yuzasidan olib borilgan dastlabki surishtiruvlar jarayonida, tezkor harakatlanuvchi guruh haydovchisi boshqaruvidagi avtotransport vositasi Quvasoy shahar Alisher Navoiy ko‘chasida harakatlanib ketayotgan vaqtida, qarama-qarshi yo‘nalishda harakatlanib kelayotgan tez tibbiy yordam bo‘limining Damas rusumli avtomashinasi bilan to‘qnashib ketgan.
YTH natijasida ikki nafar fuqaro yengil va o‘rta darajadagi tan jarohati olgan.
Hozirda holat yuzasidan Quvasoy shahar prokuraturasi tomonidan tergovga qadar tekshiruv ishlari amalga oshirilmoqda.
Yo‘l-transport hodisalari bilan bog‘liq holatlar
7-may kuni Toshkentning Olmazor tumanida yo‘lovchi avtobusi va Cobalt ishtirokida YTH yuz bergani, undan oldin Qashqadaryoda ikki mashina to‘qnashuvi oqibatida ikki kishi halok bo‘lgani, Toshkentda boshqaruvni yo‘qotgan Cobalt ag‘darilib, yonib ketgani, Xorazmda yuqori tezlikda harakatlanib, daraxtga urilgan Spark yo‘lovchisi halok bo‘lgani to‘g‘risida xabar berilgandi.
Izoh (0)