Farg‘ona viloyatining ikki tumanida elektrdan noqonuniy foydalanganlar 333 mln so‘m zarar yetkazdi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Unga ko‘ra, holat Bosh prokuratura huzuridagi departamentning Furqat va Toshloq tuman bo‘limlari tomonidan ETK xodimlari bilan hamkorlikda o‘tkazilgan tergovga qadar tekshiruvlarda aniqlangan.
“Ch.K.” va “A.Ye.” fermer xo‘jaliklari hamda “V.G.” MCHJ mas‘ul shaxslari un tegirmoni, suv nasosi va ishlab chiqarish sexini umumiy foydalanishdagi elektr tarmoqlariga ulab, jami 333 million so‘mlik elektr energiyasidan noqonuniy foydalangani ma‘lum bo‘lgan.
Mazkur holatlar yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)