Futbol bo‘yicha yoshlar o‘rtasidagi Jahon chempionatining ikki guruhida 27-maydan 28-mayga o‘tar kechasi 3-tur bahslari o‘tkazildi.

C guruhi peshqadami Kolumbiya so‘nggi turda Senegal bilan durang o‘ynadi va 7 ochko bilan 1-o‘rinni egallab, pley-offga yo‘l oldi.

Yaponiya va Isroil jamoalari ikkinchi yo‘llanma uchun kurash olib bordi. Avvaliga yaponlar birinchi bo‘lim so‘ngidagi gol evaziga oldinga o‘tib oldi. Ikkinchi bo‘lim bir o‘yinchi kam bo‘lib qolganiga qaramay Isroil ikkita to‘p kiritib, g‘alabani ilib ketdi.

Shu tariqa Isroil 4 ochko bilan 2-o‘rinni qo‘lga kiritdi va 1/8 finalda A guruhida 2-o‘rinni olgan O‘zbekistonga qarshi o‘yin o‘tkazadi. Uchrashuv 30-maydan 31-mayga o‘tar kechasi 02:00 da boshlanadi.

D guruhida Braziliya Nigeriyadan ustun keldi, Italiya esa autsayder Dominikanni mag‘lub etdi.

Yakunda Braziliya, Italiya va Nigeriya 6 taga ochko jamg‘ardi. Qo‘shimcha ko‘rsatkichlar bo‘yicha Brazilya birinchi o‘rinni qo‘lga kiritdi, Italiya esa ikkinchi bo‘ldi. Nigeriya ham eng yaxshi 3-o‘rin egalari qatoriga kirishni kafolatladi.

U-20 JCH—2023

3-tur bahslari

27/28-may

C guruhi

Yaponiya — Isroil 1:2

Gollar: 1:0 – 45+1 Sakamoto, 1:1 – 76 Navi, 1:2 – 90+1 Omer.

Chetlatish: Binyamin (68, Isroil).

Kolumbiya — Senegal 1:1

Gollar: 0:1 – 30 Kamara, 1:1 – 90+5 Kortes.

D guruhi

Braziliya — Nigeriya 2:0

Gollar: 1:0 – 44 Pedroso, 2:0 – 45+2 Markinyos.

Dominikan — Italiya 0:3

Gollar: 0:1 – 19 Kasadei, 0:2 – Ambrozinyo, 0:3 – 84 Kasadei.