Turkiyada prezidentlik saylovining ikkinchi turi bo‘lib o‘tmoqda

Turkiyada 28-may kuni prezidentlik saylovining ikkinchi turi boshlandi.

Anadolu ma’lumotiga ko‘ra, soat 8:00 da ochilgan saylov uchastkalari mahalliy vaqt bilan va soat 17:00 da (Toshkent vaqti bilan soat 19:00) yopiladi. Butun mamlakat bo‘ylab 191 mingdan ortiq saylov qutilari o‘rnatilgan. Saylovda ishtirok etuvchilar soni 60 million kishidan ortiq.

Ovoz berishning birinchi turi 14-may kuni bo‘lib o‘tgandi. Unda prezidentlikka nomzodlarning hech biri 50 foiz ovoz to‘play olmagandi. Turkiyaning amaldagi prezidenti Rajab Toyyib Erdo‘g‘on 49,51 foiz, uning asosiy raqibi, muxolifatchilarning yagona nomzodi Kamol Qilichdaro‘g‘li 44,88 foiz ovoz to‘plagan.

Saylov uchastkalari yopilgach, ovoz berish natijalarini hisoblash boshlanadi. Turkiya Markaziy saylov komissiyasi 28-may kuni soat 21:00 ga qadar dastlabki natijalarni e’lon qilishni taqiqlagan.

Turkiyaning amaldagi prezidenti Rajab Toyyib Erdo‘g‘on ham, Olti muxolifatchi partiyasi alyansidan (Xalq alyansi) muxolifatchi nomzodi Kamol Qilichdaro‘g‘li ham yakuniy g‘alabaga ishonch bildirgan.