Namangan viloyati Uchqo‘rg‘on tumanida ichki ishlar xodimlari va fuqarolar o‘rtasida janjal sodir bo‘lgani aks etgan videolar tarqaldi. “Daryo” mazkur holatga aniqlik kiritish maqsadida IIV matbuot kotibi bilan bog‘landi.
Vazirlik matbuot kotibining maʼlum qilishicha, hodisa 26-maydan 27-mayga o‘tar kechasi viloyatning Uchqo‘rg‘on tumanida sodir bo‘lgan. Bir necha fuqarolar kompyuter klubida janjal keltirib chiqargan. Ichki ishlar organlari xodimlari chaqiruvga asosan hodisa joyiga yetib kelgan. Chaqiruvga asosan kelgan xodimlarga fuqarolar qarshilik ko‘rsatgan.
Shu sababli yigitlar qonuniy tartibda tuman IIBga olib kelinib, ularga nisbatan Maʼmuriy javobgarlik to‘g‘risidagi kodeksining 183-moddasi (mayda bezorilik) va 194-moddasi (ichki ishlar organi xodimning qonuniy talabini bajarmaslik) bilan tegishli hujjatlar rasmiylashtirilgan.
Hozirda mazkur holat yuzasidan Uchqo‘rg‘on tumani IIB tomonidan tergovga qadar tekshiruv olib borilmoqda.
Izoh (1)
Жиноятчини оркасида одами булган булиши мумкин.
Уч жойидан пичокланган одамга енгил жарохат экспертиза куйиш кулгили.