O‘zsanoatqurilishbank tomonidan 2 million so‘mdan 50 million so‘mgacha qayta tiklanadigan limit bilan taqdim etilgan “Birinchi” kredit kartasi – har qanday vaziyatda to‘lov uchun kafolat. Uning asosiy afzalligi – bank pullaridan bepul foydalanish imkoniyatidir.
Bundan tashqari, ushbu bank mahsuloti bugungi kunda Visa xalqaro to‘lov tizimi asosida muomalaga chiqarilgan birinchi mahalliy kredit kartasi hisoblanadi. Bu uning egasiga “kredit karta”dan nafaqat mahalliy terminallar va bankomatlarda, balki butun dunyoda, Visa kartalarini qabul qiluvchi har qanday joyda foydalanish imkoniyatini beradi.
.jpg)
"O‘zsanoatqurilishbank" ATB Boshqaruv Raisining o‘rinbosari Shoxpur Gulturayevning qayd etishicha, kredit kartani joriy qilishda, avvalo, mijozlarga maksimal darajada qulaylik yaratish maqsad qilingan. SQB kredit kartasi bank xizmatlari bozori uchun tom ma’noda yangilik bo‘lishi bilan birga, qulayligi va moslashuvchanligi asosida mijozlarning kundalik hayotini haqiqatan ham osonlashtirishga, moliyaviy xavfsizligi va hotirjamligini ta’minlashga xizmat qiladi.
Ushbu mahsulotni tatbiq etish murakkab va o‘ziga xos jarayon ekanligi hisobga olinib, u bankdagi "AGILE" transformatsiya doirasida tajriba tariqasida amalga oshirildi.
Bunday o‘zaro funksional yondashuvning afzalligi nimada?
Birinchi navbatda yuqori tashkilotchilik va yaxshi muvofiqlashtirilgan jamoaviy ish tufayli qiymat taklifini yaratish jarayoni tezlashtirildi, mahsulotni ishlab chiqishning barcha bosqichlarida yuzaga keladigan muammolarga tezkor yechimlar topish imkoni bo‘ldi va, albatta, har bir jamoa aʼzosining maksimal ishtiroki taʼminlandi.
.jpg)
Feruz Xo‘jayev, “O‘zsanoatqurilishbank” ATB Chakana biznes departamenti direktori: “Kredit karta nafaqat foydali, balki manfaatli hamdir. U kundalik xarajatlar va rejalashtirilmagan shoshilinch xaridlar uchun haqiqiy moliyaviy yordam vositasi sanaladi. Mahsulotimizning asosiy afzalliklaridan yana biri – bu unga nisbatan belgilangan 40 kungacha bo‘lgan imtiyozli davrdir. Bu bilan intizomli va masʼuliyatli mijozlar uchun bank pulidan doimiy ravishda foizsiz foydalanish sharoiti tug‘ildi.
Bu shuni anglatadiki, tovarlar va xizmatlar uchun amalga oshirilgan naqd pulsiz (terminallar orqali) hamda boshqa sarf-xarajatlarni keyingi oyning 10-kunigacha (imtiyozli davr tugashidan oldin) kartaga qaytarish orqali kredit bo‘yicha ortiqcha to‘lov to‘lashga hojat qolmaydi. Aksincha, kredit karta hisobini to‘ldirib, mijoz yana bank pulidan foydalanishi mumkin.
Shuningdek, kredit kartadan naqd pul olishingiz, onlayn pul o‘tkazmalari va turli to‘lovlar uchun foydalanishingiz mumkin. Ushbu operatsiyalar uchun bank tomonidan komissiya haqi belgilanganini ham aytib o‘tish joizdir.
Kredit kartaning haqiqiy amal qilish muddati 4 yil. Uni olish uchun garov, kafillik va boshqa hujjatlar talab qilinmaydi. Kartani ochish uchun ariza JOYDA mobil ilovasi orqali beriladi. Uni chiqarish bepul, undan foydalanishda ham to‘lov olinmaydi".
.jpg)
"O‘zsanoatqurilishbank" ATB Bank karta tizimlarini qo`llab-quvvatlash departamenti direktori Muzaffar Karimov: "SQB kredit kartasi ichki bozorda texnik jihatdan to‘kis amalga oshirilgan birinchi kredit karta mahsulotidir. Rivojlangan bozorlarda bunday mahsulot uzoq vaqtdan beri aholining kundalik moliyaviy ehtiyojlarini hal qilishning ajralmas qismiga aylangan. Endi mazkur mahsulotdan xalqimiz ham foydalanish imkoniga egadir".
“O‘zbekiston Markaziy Osiyoda Visa kartalariga eʼtibor qaratadigan asosiy bozorlardan biridir. Biz butun dunyo bo‘ylab joriy qilayotgan va rivojlantirayotgan imkoniyatlar, innovatsiyalar va texnologiyalarni O‘zbekistonda ham tatbiq etishga intilayapmiz. O‘zsanoatqurilishbank bilan birgalikda mamlakatda birinchi kredit kartani ishga tushirish - naqd pulsiz iqtisodiyotni rivojlantirish uchun muhim qadamdir. Mahsulot 2022-yil yakunlari bo‘yicha "First credit card" nominatsiyasida Visa mukofotiga sazovor bo‘ldi. Siz dunyoning istalgan mamlakatida kredit karta orqali xaridlarni to‘lashingiz mumkin. Shu bilan birga, karta Visaning barcha afzalliklariga ega va Visa 3D - Secure texnologiyalari bilan himoyalangan” – deydi Kristina Dorosh, Visaning Markaziy Osiyo va Ozarbayjondagi vitse-prezidenti hamda mintaqaviy menejeri.
Shunday qilib, “Birinchi” kredit kartasini ishonchli tarzda universal mahsulot deb atash mumkin. Chunki u hamma joyda – mamlakat ichida va/yoki chet elda birdek to‘lov uchun qabul qilinadi. Bundan tashqari, mehmonxona bron qilish, avtomashinani ijaraga olishda ham karta xizmati beqiyos. Bunda garov kartadan olinmaydi, faqat vaqtincha muzlatiladi va buning uchun foizlar to‘lanmaydi.
Bir so‘z bilan aytganda, O‘zsanoatqurilishbank kredit kartasi har qanday isteʼmol ehtiyojlarida asqotuvchi vosita bo‘lib, agar u to‘g‘ri ishlatilsa, oilaviy byudjet uchun eng yaxshi yordamchi bo‘la oladi.
Reklama huquqi asosida.
Izoh (0)