Bugun,

  • USD 11095.31
  • RUB 173.84
  • EUR 10772.44

Qirg‘iziston maxsus xizmatlari rahbari Qamchibek Tashiyev korrupsiyaga qarshi qanday kurashayotgani haqida gapirdi. Bu haqda u Facebook akkauntida yozgan.

Foto: Sputnik

Uning so‘zlariga ko‘ra, bugungi kunda Qirg‘iziston rasmiylari bunday jinoyatlarga qarshi faol kurash olib bormoqda.

Ushbu kurash uch bosqichni o‘z ichiga oladi:

  1. Korrupsiyaga qarshi kurashni tizimlashtirish, asosiy yo‘nalishni aniqlash;
  2. Jinoyatlar uchun jazoni qonunchilik darajasida kuchaytirish;
  3. Tushuntirish ishlari, shuningdek, axborot ta’minotini olib borish.

“Hozircha faqat birinchi bosqich yakunlandi. Bu 2-3, maksimal 6 oy davom etadi deb o‘ylagandik. Ayni vaqtda 2,5 yildan beri jinoyatchilikka qarshi kurashyapmiz, bu esa katta kuch va sabr-toqatni talab etadi”, — dedi u.

Tashiyev samarali jazo sifatida korrupsioner mansabdorlarning davlatga yetkazilgan zararni qoplash va “yengil” jazo bilan qutulishiga yo‘l qo‘ymaslikni, balki javobgarlikni sezilarli darajada oshirish va sud qarori bilan jinoyatchilarning barcha mol-mulkini musodara qilishni taklif qildi.

“Kurashning ikkinchi bosqichi bir yoki ikki yilga cho‘zilishi mumkin. Bu juda qiyin bo‘ladi, men hamma narsadan voz kechishim kerak — oila, qarindoshlar, do‘stlar. Biroq, hech kim noqonuniy tarzda javobgarlikka tortilmasligi kerak. Biz faqat birgalikda kuchli va adolatli davlat qura olamiz”, — deb yozdi maxsus xizmatlar rahbari Facebook’dagi sahifasida.

Mavzuga doir
Izoh
Asosiy yangiliklar
Mahalliy
O‘zbekistonda ekologiya, o‘simlik va hayvonot dunyosiga zarar yetkazish og‘ir jinoyatlar toifasiga kiritiladi 
Biznes
O‘zbekistonda tarvuz eksporti mavsum boshidan rekord qayd etdi
Mahalliy
15 mlrd so‘m o‘zlashtirishda ayblanayotgan Termiz shahar sobiq hokimi va sheriklarining sudi boshlandi