O‘zbekistonda yangi — 400 ming so‘mlik banknota rasmi ijtimoiy tarmoqlarda tarqalmoqda. Mazkur xabarlar yuzasidan Markaziy bank ma’lumot berdi.
Unga ko‘ra, ijtimoiy tarmoqlarda tarqalib, muhokamalarga sabab bo‘layotgan 400 ming so‘mlik kupyura haqidagi xabarlar haqiqatga to‘g‘ri kelmaydi. Ushbu suratda 100 ming so‘mlik kupyura dizaynini ko‘rish mumkin. Markaziy bank axborot xizmati rahbari agar yangi banknota chiqarilsa, rasmiy e’lon qilinishini ta’kidladi.
2021-yilda O‘zbekistonda muomalada bo‘lgan 7 ta banknotadan 6 tasi yangilangan. Xususan, 2021-yilning 27-dekabridan 50 000 va 100 000 so‘mlik, 14-iyunidan 2000 va 20 000 so‘mlik, 26-avgustidan 5 ming va 10 ming so‘mlik banknotalar yangi ko‘rinishda muomalaga chiqarildi.
2022-yil iyun oyida Markaziy bank milliy valyuta — so‘m ramzini e’lon qildi. Biroq so‘m ramzi jamoatchilik tomonidan noroziliklarga uchradi.
Izoh (1)
1 million lik pul chiqsa dollar damini oladi