Belarus prezidenti Aleksandr Lukashenko ikkinchi Yevrosiyo iqtisodiy forumining yalpi majlisida Rossiya prezidenti Vladimir Putinga respublika hududida taktik yadro qurolini joylashtirish qarori uchun minnatdorlik bildirdi.
Ikki davlat rahbarlari o‘rtasidagi suhbat Qozog‘iston prezidenti Qosim-Jo‘mart To‘qayevning Rossiya va Belarusda yadroviy qurol borligi haqida aytgan nutqi paytida bo‘lib o‘tdi. O‘sha paytda Putin va Lukashenko o‘zaro fikr almashishdi va qo‘l siqishdi.
“Yadro quroli haqida gap ketganda, rostini aytsam, men buni akustika tufayli eshitmadim va Vladimir Vladimirovich menga Belarusda taktik yadro qurolini joylashtirish qarori qabul qilinganligini aytdi, men esa bu qaror uchun rahmat deb aytdim.
Muhokama qilingan narsa shu, boshqa gap yo‘q”, — dedi Aleksandr Lukashenko jurnalist Pavel Zarubinning Qosim-Jo‘mart To‘qayev nutqi chog‘ida yetakchilar o‘rtasidagi qanday suhbat bo‘lgani haqida bergan savoliga javoban.
Joriy yilning 25-mart kuni Vladimir Putin Belarusda Rossiya yadro qurolini joylashtirish qarorini e'lon qildi. Uning so‘zlariga ko‘ra, yadro qurolini saqlash uchun maxsus joy qurilishi shu yilning 1-iyulga qadar yakunlanadi.
Izoh (0)