Qirg‘izistonda chorva mollariga soliq joriy etilishi mumkin

Qirg‘izistonda chorva mollariga soliq joriy etilishi mumkin. Deputat Jenishbek Toktorboyevning qonun loyihasi jamoatchilik muhokamasiga qo‘yildi, deb yozadi Sputnik axborot agentligi.

Rasmiy hujjatga ko‘ra, 40 dan ortiq qo‘y-echkilari, uch bosh sigir yoki buqasi va ikki bosh oti bo‘lgan uy xo‘jaligi egalari har yili soliq to‘lashi shart bo‘ladi:

• bir bosh qo‘y va echki uchun – 100 som (1,14 dollar);
• bir bosh qoramolga – 250 som (2,86 dollar);
• bir bosh otga – 250 som (2,86 dollar).

Qirg‘iziston parlamenti a’zosi ta’kidlaganidek: “Qishloqlarda turmush darajasi shahardagidan yomon emas. Soliq joriy etilgandan keyin qishloqlarni o‘zini o‘zi taʼminlashga o‘tkazish mumkin bo‘ladi”.

U soliq faqat 40–50 bosh qo‘yi bor qishloq aholisiga taalluqli bo‘lmasligini ta’kidladi. Ular faqat yaylov uchun pul to‘laydi. Yangilik minglab qo‘ylari, bir necha o‘nlab sigirlari va otlari bor qirg‘izistonliklarga ta’sir qiladi.