Komik aktrisa Halima Ibragimova “Aldama meni” ko‘rsatuviga bergan intervyusida o‘zbek shou-biznesida avvaliga yaqin munosabatda bo‘lib, keyin aloqalarni butunlay uzgan hamkasblari haqida so‘zlab berdi.
— Ozoda Nursaidova, Sitora Farmonova, Shahzoda Muhammedova, Muhammadziyo va Sardor Rahimxon bilan umuman gaplashmayman. Besabab hech nima bo‘lmagan, ular bilan aloqani uzishimning aniq sabablari bor. Sitora Farmonova bilan munosabatlarimiz yomonlashishiga xonanda Muhammadziyo sababchi bo‘ldi. Ammo haligacha Sitora bilan yuzma-yuz ko‘rishib, bu haqida gaplashib olganimiz yo‘q. Сhunki bunga o‘zimni tayyor emas deb bilaman. Sitora menga yomonlik qilmagan, uni o‘zimga raqobatchi ham deb bilmayman. U bilan shu kungacha dugona edik. Vaqti kelib, bo‘lgan ishlarga oydinlik kiritsa munosabatimizni qayta davom ettirishimiz mumkin.
Yashirmayman, avvaliga xonanda Muhammadziyoni qo‘llab-quvvatladim. Oramizga pul tushganidan keyin u bola niqobini yechib, asl yuzini ko‘rsatdi. Men haqimda san’atkor qizlarga aytgan gaplari qulog‘imga chalindi. U boshqa san’atkorlarga “Menga siz keraksiz, karyera qilish uchun Halimaning pulidan foydalanyapman”, debdi. Mana shu gapdan keyin unga nisbatan nafratim qo‘zidi. Keyin u aktrisa Huvaydo Jumayevaga nisbatan ham adolatsizlik qildi. Huvaydo bilan institutda birga o‘qiganmiz, uning qanday aktrisa ekanligini yaxshi bilaman.
Ammo kecha chiqqan Muhammadziyoning “Men uning aktrisa ekanligini bilmas ekanman”, degan gapidan g‘ashim keldi. Muhammadziyo shunchalik taqvodor ekan ko‘rsatuvga kelmasin edi. Bu loyiha ayollar uchun 8-mart bayrami arafasida suratga olinayotganini yaxshi bilardi. Xullas, bu bolaning qanday odamligini yaxshi bilaman. U Huvaydo Jumayevaning oilasini buzishiga oz qoldi, men bilan Sitora Farmonovaning o‘rtasiga esa sovuqchilik tushirdi, — deydi Halima Ibragimova.
Izoh (0)