Salomatlikni saqlash uchun yetarli miqdorda vitamin va minerallarni iste’mol qilish kerakligini barchamiz bilamiz, ammo bu qiyinroq, chunki biz har doim ham turli xil oziq-ovqatlarni iste’mol qila olmaymiz.
D vitamini kuchli immunitet, sog‘lom suyaklar, tishlar va teri uchun muhimdir. U quyosh nuri ta’sirida organizmda ishlab chiqariladi. Ammo buning uchun ochiq havoda bo‘lish kerak, nurlar oynalardan o‘tmaydi. Qo‘shimchalar ham yordam beradi, lekin shunga qaramay D vitamini o‘z ichiga olgan bir nechta oziq-ovqatlar mavjud. Marie Claire nashri “quyoshli vitamin” darajasini to‘ldirishning turli usullarini baham ko‘radi.
Qaysi oziq-ovqatlar D vitaminiga boy?
D vitamini o‘z ichiga olgan oziq-ovqatlar kam, shuning uchun uni faqat oziq-ovqat bilan to‘ldirish qiyin. Ammo oziq-ovqat qo‘shimcha vitamin manbai bo‘lishi mumkin, diyetangizga quyidagi ovqatlarni kiritishingizni tavsiya qilamiz:
Baliq
Konservalangan sardinya, tunes, seld va treska D vitaminiga boy. Umuman olganda, deyarli har qanday yog‘li baliqda bu vitamin uchraydi. U salatlarga qo‘shilishi va garnirga qo‘shimcha sifatida xizmat qilishi mumkin. Bundan tashqari, baliq yog‘i tarkibida Omega-3 kislotalari mavjud bo‘lib, ular ham immunitet tizimini mustahkamlaydi va A vitamini ko‘rish qobiliyatini yaxshilaydi.
Tuxum
Tovuq tuxumlari nihoyatda to‘yimli, shuningdek, foydali hamdir. Ba’zilar oqsillarni sarig‘iga qaraganda ancha foydali deb o‘ylashadi lekin bu noto‘g‘ri. Bir dona tuxum sarig‘i D vitamini kunlik ehtiyojining taxminan 5 foizini o‘z ichiga oladi, shuning uchun ularni haftada bir necha marta me’yorida iste’mol qilish tavsiya etiladi.
Qo‘ziqorinlar
Qo‘ziqorinlarda vitamin ultrabinafsha nurlanish ta’sirida ishlab chiqariladi. Bundan tashqari, ular tarkibida D2 vitamini, baliq va tuxumlarda esa D3 vitamini mavjud. Lekin do‘konlardan mahsulotni ishlab chiqarishda soya va qorong‘i joylarda o‘stirilgan navlari sotiladi, shuning uchun foyda, asosan, tabiiy sharoitda o‘stirilgan qo‘ziqorinlardan olinishi mumkin.
Yana qanday usullar mavjud?
D vitaminini to‘ldirishning ajoyib usuli quyoshli kunlarda tashqarida sayr qilishdir. Muqobil vaqt — mart oyining oxiridan sentabr oyigacha tush paytiga qadar, ammo ba’zi kamchiliklar ham mavjud. Quyosh nurini “singdirish” uchun tananing ba’zi qismlarini ochiq qoldirish va haqiqatan ham uzoq vaqt tashqarida bo‘lish muhimdir. Yigirma daqiqalik yurish yetarli bo‘lmaydi. Quyoshda ko‘p vaqt o‘tkazish hamma uchun qulay emas. Teringiz sezgir bo‘lsa, kuyishi mumkin. Shuning uchun uydan chiqishdan oldin quyoshdan himoya qiluvchi kremni qo‘llaganingizga ishonch hosil qiling.
Sayr qilish uchun vaqt bo‘lmasa yoki kuz-qish mavsumida, tegishli parhez qo‘shimchasini topishga harakat qiling. Farmatsevtika brendlarining soni va dori chiqarish shakllari xilma-xil. Ammo D vitamini deyarli hamma uchun mos keladi va kapsula, tabletka va sirop ko‘rinishida ishlab chiqariladi. O‘zingizga ma’qul variantni tanlang. Bundan tashqari, baliq yog‘iga e’tibor bering unda ham D vitamini bor. Lekin har doim preparat qadog‘idagi ko‘rsatmalarni diqqat bilan o‘qing. 18 yoshdan 50 yoshgacha bo‘lgan erkaklar va ayollar uchun kunlik norma 600–800 IU ni tashkil qiladi. Agar preparatning dozasi yuqoriroq bo‘lsa, mutaxassisga murojaat qilish tavsiya etiladi.
Izoh (0)