Shavkat Mirziyoyev taklifiga binoan Singapur prezidenti Halima Yaqub 23–25-may kunlari davlat tashrifi bilan O‘zbekistonda bo‘ladi.
Prezident matbuot xizmatining xabar qilishicha, Singapur rahbarining tashrifi dasturida oliy darajadagi muzokaralar o‘tkazilishi ko‘zda tutilgan.
Sammit kun tartibidan konstruktiv siyosiy muloqotni yanada rivojlantirish, mintaqaviy va xalqaro tashkilotlar doirasida o‘zaro qo‘llab-quvvatlash, ikki mamlakat yetakchi kompaniya va bank institutlari ishtirokidagi investitsiya loyihalariga ko‘maklashish, madaniy-gumanitar almashinuvni kengaytirish masalalari o‘rin olgan.
Prezident Halima Yaqub Oliy Majlis Senati raisi, diniy konfessiyalar rahbarlari bilan ham uchrashadi, ishbilarmon doiralar biznes-forumining ochilishida va qo‘shma ta’lim markazi faoliyatining taqdimotida ishtirok etadi.
Bundan tashqari, u Samarqand shahriga tashrif buyurib, Buyuk Ipak yo‘li chorrahasida joylashgan ushbu ko‘hna markazning boy madaniy-tarixiy va sivilizatsiyaviy merosi bilan tanishadi.
Ta’kidlanishicha, Halima Yaqub O‘zbekistonga javob tashrifi bilan kelmoqda. 2023-yilning yanvar oyida O‘zbekiston yetakchisi Singapurga davlat tashrifi bilan borgan edi.
Izoh (0)