O‘zbekistonning uch hududida elektrdan noqonuniy foydalanganlar 700 million so‘mdan ziyod zarar yetkazgani aniqlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Xabarga ko‘ra, Bosh prokuratura huzuridagi departamentning Quva tuman bo‘limi tomonidan o‘tkazilgan tergovga qadar tekshiruvda “F.S.” MCHJ rahbari I.A. va boshqalar tosh maydalash sexidagi elektr hisoblagichga tashqaridan ta’sir o‘tkazgani aniqlandi. Ular jami 279,3 million so‘mlik elektr energiyasidan noqonuniy foydalangan.
Shu kabi, Bulung‘ur tumanidagi “D.I.” fermer xo‘jaligi va Payariq tumanidagi “F.F.” oilaviy korxonasi rahbarlari xo‘jalik suv nasosini hamda to‘yxona binosini umumuy foydalanishdagi elektr tramog‘iga o‘zboshimchalik ulab, jami 225 million so‘mlik elektr energiyasidan noqonuniy foydalangani aniqlangan.
Departamentning Toshkent viloyati boshqarmasi tomonidan o‘tkazilgan tergovga qadar tekshiruvda, Bekobod tumanidagi “M.G.” MCHJ rahbari G.A. va boshqalar ishlab chiqarish sexidagi elektr hisoblagich tamg‘asini buzib, jami 192,2 million so‘mlik elektr energiyasidan noqonuniy foydalangani aniqlangan.
Mazkur holatlar yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)