“Vita” so‘z lotin tilidan tarjima qilinganda hayot degan ma’noni anglatadi va vitaminlar uning nomi bilan atalgan. Chindan ham vitaminlarsiz hayot yo‘q!
Organizmning soat kabi ishlashi uchun unga biokimyoviy zirh va qalqonlar kerak: vitaminlar shu vazifani o‘taydi. Mikroelementlar hujayra, to‘qima va organlarning hayotiy faoliyatini tashkil etuvchi metabolizmning eng murakkab mexanizmini faollashtiradigan fermentlar va katalizatorlar molekulalarida joylashgan. Vitaminlar organizmda sintez qilinmaydi (D, B1, B6, B12 kabi to‘rtta vitamindan tashqari) va ularga bo‘lgan ehtiyoj ba’zan yuqori bo‘ladi, ayniqsa stress, zo‘riqish va mavsumdan tashqari holatlarda.
Vitamin yetishmovchiligini tekshiring
Quyidagi savollarga javob bering. Sizda “Ha” javobi qanchalik ko‘p bo‘lsa, organizmdagi vitamin yetishmovchiligi shunchalik yuqori bo‘ladi. Kamchilikni to‘ldirish uchun diyetani ko‘rib chiqing (va shifokorga uchrashni unutmang).
- Vitamin A: tiniq yuz va benuqson tirnoqlar
- Ko‘zlaringiz chaqnab turishi yo‘qoldimi?
- Teringiz qurib, rangi xiralashib, yangi ajinlar paydo bo‘ldimi?
- Lab yorilib ketganmi?
- Sochlaringiz jilosini yo‘qotgan, hajmdor emas va qism-qism bo‘lib to‘kilyaptimi?
- Tirnoqlaringiz qimirlaydi, sinadi va ustida qora chiziqchalar paydo bo‘lganmi?
Qayerdan olish kerak? Jigar, sabzi, mango, shaftoli, turshak iste’mol qiling, ismaloqdan salatlar tayyorlang, petrushka, otquloq, ko‘katlar va qizil qalampir — barchasini o‘simlik yog‘i yoki smetana bilan aralshtiring A vitamini yog‘siz organizmda so‘rilmaydi.
- Vitamin B1: serjilo sochlar va chiroyli qomat
Foto: Lisa
- Sizga shirinlik va xamir ovqatlar yoqadimi?
- Sochlaringiz shikastlangan, singan va sekin o‘sadimi?
- Shamollashdan tuzala olmayapsizmi?
- Ko‘zlaringiz ostidagi doiralar sizni tashvishlantiryaptimi?
- Uzuk taqsangiz, shishgan barmoqlardan chiqmay qoladimi?
- Ko‘p choy va qahva ichasizmi?
Qayerdan olish kerak? Bug‘doy kepagi, xamirturush, unib chiqqan don, soya, grechka va yormalar, makkajo‘xori, dukkakli ekinlar, yeryong‘oq, finduk, yong‘oqda juda ko‘p vitamin B1 mavjud. Ushbu mahsulotlarni choy va qahva bilan ichmang — ular qimmatli vitaminning organizmda so‘rilishiga yo‘l qo‘ymaydi.
- Vitamin B2: Silliq teri va ipakdek lablar
- Lablaringiz quruq va yorilganmi?
- Og‘izning chetlari yopishib qoladimi?
- Ko‘zlaringiz yoshlanib turadimi?
- Sochingiz to‘kiladimi?
- Go‘sht yemaysizmi?
Qayerdan olish kerak? B2 vitamini sut mahsulotlari, pishloq, jigar, buyrak, tuxum sarig‘i, qo‘ziqorin, xamirturush, nok, shaftoli, pomidor, sabzi, lavlagi, gulkaram va ismaloqda mavjud.
- Vitamin C tanqisligi
Foto: Lisa
- Teringiz elastikligini yo‘qotib, yuzingizda yangi ajinlar paydo bo‘ldimi?
- Tirnab olingan jarohat va yaralar tez bitmaydimi?
- Og‘izdan nafas olasizmi?
- Tish milkidan qon ketadimi?
- Sababsiz asabiylashyapsizmi?
- Tez charchab, doimo o‘zingizni zaif his qilasizmi?
- Qancha uxlasangiz ham uyquga to‘ymaysizmi?
Qayerdan olish kerak? Yangi rezavor va mevalardan, sitrus mevalari, olma, gilos va qora smorodina yangi siqilgan sharbatlar askorbin kislotasiga boy. C vitamini (askorbin kislotasi) kollagen ishlab chiqarish uchun zarurdir, buning natijasida teri elastikligi saqlanib qoladi.
- H vitamini: soch ildizlaridan tirnoq uchlarigacha mukammallik
- Teringiz sezgir yoki yog‘li bo‘lib qoldimi?
- Yuzingizda husnbuzarlar bormi?
- Sochingizning rangi o‘zgarib ketganmi?
- Sochingiz kesilganidan keyin sekin o‘syaptimi?
- Tirnoqlaringiz sinadimi?
Qayerdan olish kerak? Kosmetologlar go‘zallik vitamini deb ataydigan va “H” harfi bilan belgilangan biotin orqali organizmni oziqlantiring. Jigar, soya mahsulotlari, qaynatilgan tuxum sarig‘i (xomi tarkibida H vitaminining so‘rilishiga to‘sqinlik qiluvchi moddalar mavjud), sut, yong‘oq va mevalarda yetarlicha uchraydi. Soch taragandan keyin taroqda ko‘p soch qolsa, H vitamini komplekslarini qabul qiling.
Izoh (0)