Xitoy Markaziy Osiyo mamlakatlariga 3,7 milliard dollar miqdorida yordam beradi. Bu haqda Xitoy rahbari Si Szinpin Sian shahrida bo‘lib o‘tgan “Xitoy – Markaziy Osiyo” sammitida so‘zlagan nutqida aytib o‘tdi.
“Xitoy Markaziy Osiyo davlatlari bilan hamkorligi, shuningdek, ularning rivojlanishiga ko‘maklashish maqsadida ularga 26 milliard yuan (3,7 milliard dollar) miqdorida moliyaviy yordam ko‘rsatadi”, — dedi Si Szinpin.
Siyosatchi Xitoy Markaziy Osiyo bilan qashshoqlikni bartaraf etish sohasida ilmiy-texnikaviy hamkorlik rejasini tuzishi, shuningdek, mintaqadagi Xitoy kompaniyalarini ko‘proq ish o‘rinlari yaratishga undashini bildirdi.
18-19 may kunlari Xitoyning Sian shahrida Si Szinpin raisligida “Xitoy – Markaziy Osiyo” sammiti bo‘lib o‘tdi. Unda O‘zbekiston prezidenti Shavkat Mirziyoyev, Qozog‘iston prezidentlari Qosim-Jo‘mart To‘qayev, Qirg‘iziston prezidenti Sadir Japarov, Tojikiston rahbari Emomali Rahmon va Turkmaniston prezidenti Serdar Berdimuhamedov ishtirok etdi.
Izoh (0)