Sherzod Shermatov “ko‘pchilik siyosiy so‘z erkinligi va olabayroqni targ‘ib qilish kabi g‘arb qardriyatlarini qo‘llamaydigan va kuchli davlat nazorati bo‘lgan mamlakatlarda innovatsiya bo‘lmaydi” deyayotgan g‘arbliklar va Xitoyni solishtirdi.
Uning taʼkidlashicha, Xitoyda innovatsiyaning rivojlanish natijalari, ushbu 2 ta g‘arb qadriyatlarini so‘zsiz qabul qilish rivojlanishning yagona yo‘li emasligini ko‘rsatadi. Vazir nafaqat g‘arb, balki bu kabi sharq davlatlarining tajribasini ham o‘rganib borish zarur bo‘lishini taʼkidladi.
”Ko‘pchilik g‘arb davlatlarini ko‘rgan inson sifatida yaqinda Xitoyga borganimda rivojlanish va innovatsiya bo‘yicha Xitoy nafaqat orqada emasligi, balki ko‘pchilik iqtisodiy rivojlangan davlatlardan ancha oldinda ekanligiga guvoh bo‘ldim. (Masalan, Shenchjen shahrida ko‘chada yurganda AQSHga nisbatan tezyurar temir yo‘llar ko‘pligi yoki elektr avtomobillar ko‘pligining o‘zi ham bunga bir misol bo‘la oladi).
Oddiy bitta Huawei kompaniyasida 200 ming xodimlarining yarmidan ko‘pi, yaʼni 120 ming atrofida aynan ilmiy ishlar bilan shug‘ullanisharkan. Umuman ilmiy xodimlar soni bo‘yicha Xitoy AQSHdan birinchilikni olganiga ancha bo‘libdi, yaqin orada umumiy R&D'ga xarajat bo‘yicha ham o‘tib ketadi.
O‘z qadriyatlarimizni saqlab qolgan holda iqtisodiyotimizni rivojlantirish ustida harakat qilarkanmiz, albatta nafaqat g‘arb, balki bu kabi sharq davlatlarining tajribasini ham o‘rganib borishimiz zarur bo‘ladi”, — deydi Sherzod Shermatov.
Izoh (0)