“Vagner” kompaniyasi sanksiyalarga qaramay, 2022-yil oxirida Xitoydan o‘n minglab himoya dubulg‘alarini sotib oldi. Bu haqda Financial Times xabar berdi.
Jurnalistlarning aniqlashicha, Prigojin tomonidan Afrikadagi operatsiyalar uchun foydalanilgan tashkilotlar xalqaro bozorlarga tovarlarni erkin eksport va import qilgan. Ular xususiy armiyani to‘xtatishga qaratilgan G‘arbning sanksiyalarini chetlab o‘tgan.
Shunday qilib, “Vagner” bilan aloqador Rossiyaning Broker Expert kompaniyasi 2022-yilning noyabr va dekabr oylarida Xitoyning kichik Hangzhou Shinerain Import And Export Co kompaniyasidan 20 ming dona polimer dubulg‘a sotib olgan. Xitoy kompaniyasi ular “o‘yinda foydalanish” uchun mo‘ljallanganini daʼvo qilgan.
Dubulg‘alarni 2 million dollardan sal ko‘proqqa sotib olgan Prigojin o‘n minglab rossiyalik mahbuslarni Ukrainadagi frontga jo‘natish uchun yollayotgan bir paytda sodir bo‘lgan.
Alibaba maʼlumotlariga ko‘ra, Broker Expert kompaniyasining xitoylik yetkazib beruvchisi Hangzhou Shinerain sharqiy Chjejiang provinsiyasida joylashgan bo‘lib, 5 dan 15 gacha xodimga ega. U odatda ayollar kiyimlarini sotadi, yaʼni Rossiyaga himoya bosh kiyimlarini yetkazib berish uning odatiy biznes sxemasiga kiritilmagan.
Xitoy kompaniyasi Prigojin yoki Broker Expertning “Vagner” bilan aloqalari haqida hech narsa bilmasligini aytdi. Kompaniya o‘yinlar uchun dubulg‘a ishlab chiqarishi, bu esa jang maydonida undan foydalanish uchun mos kelmasligini bildirdi.
Biroq kompaniya dubulg‘alarning fotosuratlarini Financial Timesʼga yuborishdan bosh tortdi va ular noqonuniy hech narsa yubormaganliklarini bildirdi.
Izoh (0)