Filmda bosh qahramonning uzoq umri haqida hikoya qilinganda, uni yosh va qarilikda ko‘rsatishadi. Ba’zan aktyorni vizual ravishda qarish yoki aksincha, yoshartirish uchun grim qilinadi. Ammo ko‘pincha yosh va keksa qahramon rolini ikki xil odam o‘ynaydi. Buning uchun yosh xususiyatlarini hisobga olgan holda, bir-biriga iloji boricha o‘xshash bo‘lgan 2 kishini topish kerak.
Robert De Niro va Marlon Brando
Ikkala aktyor ham “Cho‘qintirgan ota” (1972) filmidagi Vito Korleone roli uchun “Oskar” olgan. Bu kino tarixida har bir aktyor bir xil obrazni o‘ynagani uchun alohida mukofot olgan yagona holat. Brando “Eng yaxshi erkak roli” uchun Oskar olgan bo‘lsa, “Ikkinchi plandagi eng yaxshi erkak roli” De Niroga nasib etdi.
El Fenning va Keyt Blanshett
“Benjamin Battonning sirli tarixi” (2008) filmi rejissori plastik pardoz va grafikadan faqat Bred Pitt o‘ynagan qahramon obrazini yaratish uchun foydalangan. Ammo uning sevgilisi Deyzi rolini El Fenning va Keyt Blanshet ijro etgan. O‘sha paytda El 10 yoshda bo‘lgan.
Robert Pattinson va Xel Xolbruk
Ikkala aktyor ham “Fillarga suv” (2011) filmida veterinar Jeykob rolini ijro etgan. Xel Xolbrukning so‘zlariga ko‘ra, u Robert Pattinsonni ko‘rganida, hayratda qolgan: “Men unga qarab, Xudoyim, sen yoshligimsan-ku deganman”.
Jennifer Lourens va Sharliz Teron
“Yonayotgan tekislik” (2008) dramasida 18 yoshli Jennifer Lourens bosh qahramon Mariannaning yoshligini ekranda gavdalantirgan, keyin esa ijodiy estafetani Sharliz Teronga topshirgan.
Jaden Martell va Jeyms MakAvoy
2017-yilda “U” filmining 1-qismi chiqdi, unda asosiy rollarni yosh aktyorlar ijro etdi. 2 yildan so‘ng, voyaga yetgan qahramonlar bilan hikoyaning davomi chiqdi va ularni tajribali yulduzlar o‘ynashdi. Masalan, katta yoshli Bill Denbro obrazini Jeyms MakAvoy gavdalantirgan. Aytgancha, ko‘pchilik ushbu filmdagi aktyorlar tarkibi deyarli benuqson bo‘lganini ta’kidladi.
Reychel MakAdams va Jina Roulends
“Xotiralar kundaligi” melodramasida (2004) bosh qahramon Elli keksaligida taniqli aktrisa Jina Roulends tomonidan ajoyib tarzda o‘ynagan. Ellining yoshligidagi obrazini Reychel MakAdams gavdalantirgan. Aytishlaricha, aktrisaning kastingga tayyorgarlik ko‘rishga deyarli vaqti bo‘lmagan, chunki unga ssenariy bir kun oldin berilgan edi. Shunga qaramay, u rolni a’lo darajada ijro etdi.
Rayan Gosling va Jeyms Garner
Xuddi shu filmda Ellining keksa sevgilisi Noy rolini aktyor Jeyms Garner ijro etgan. Filmni suratga olish paytida Rayan Gosling hali mashhur emasdi. Rejissorning so‘zlariga ko‘ra, u Noy obrazini noma’lum va xunuk kimsa ijro etishini xohlagan.
Xuan Minuxin va Jonatan Pris
“Ikki papa” (2019) filmida aktyorlar Xuan Minuxin va Jonatan Pris juda qiyin vazifaga duch kelishdi: ular 2013-yilda Rim papasi Fransisk bo‘lgan Xorxe Bergoglio rolini o‘ynashlari kerak edi. Ammo yuqori baholarga ko‘ra, ikkala aktyor ham rolni a’lo darajada bajarishgan.
Keyt Uinslet va Gloriya Styuart
“Titanik” (1997) filmidagi Rouz Dyuitt Byukater obrazini Keyt Uinslet (yoshligida qahramon rolini o‘ynagan) va Gloriya Styuart (keksalikdagi qahramon rolini o‘ynagan) sinab ko‘rishgan. Bu duet e’tibordan chetda qolmadi va ikkala aktrisa ham o‘z ishlari uchun turli nominatsiyalar bo‘yicha “Oskar” mukofotiga nomzod bo‘lishdi. Biroq ularning hech biri orzu qilingan haykalchani ololmagan.
Deniel Redkliff va Jon Xemm
Deniel Redkliff va Jon Xemm “Yosh shifokorning eslatmalari” (2012—2013) teleserialida doktor Vladimir Bomgard rolini ijro etgan. Sujetga ko‘ra, aktyorlar ko‘pincha bitta kadrda kesishadi, shuning uchun ular orasidagi aniq o‘xshashlikni sezmaslik mumkin emas.
Martin Friman va Ien Xolm
Bu ikki aktyor 2012-yilda suratga olingan “Xobbit: kutilmagan sayohat” filmida “Uzuklar hukmdori” sagasidagi Bilbo Beggins rolini o‘ynagan. Aktyor Ien Xolmni faqat film prologida ko‘rish mumkin.
Lili Jeyms va Meril Strip
2008-yilda “Mamma Mia!” musiqiy filmi chiqdi, unda Meril Strip namunali ona Donna rolini ijro etdi. 10 yildan so‘ng ushbu hikoyaning 2-qismi suratga olindi. Unda britaniyalik aktrisa Lili Jeyms Donnaning yoshligini ijro etgan.
Izoh (0)