Chevrolet kompaniyasi Qozog‘istonning Qostanay zavodida arzon Onix 2023 sedanlarini yig‘ishni boshladi. Uning taxminiy narxi 6 million tenge (13 ming dollar) bo‘ladi. Bu mamlakat bozorida B toifali sedanlar segmentidagi eng kutilgan model, deb xabar beradi “Daryo” muxbiri.
Yangi Chevrolet ikki versiyada ishlab chiqariladi:
- 1,2 litrli 132 ot kuchiga ega turbo dvigatel hamda 6 pog‘onali avtomat uzatmalar qutisi bilan jihozlangan;
- 1,2 litrli 90 ot kuchiga ega atmosferali dvigatel 5 pog‘onalik mexanik uzatmalar qutisi bilan jihozlangan.
Eslatib o‘tamiz, bu mashinalar Rossiyaga yetkazib berilmaydi, chunki bosh kompaniya Rossiya hududiga har qanday yetkazib berishni taqiqlagan. Aks holda, Amerika konserni ishlab chiqarishni to‘xtatish darajasidagi sanksiyalarni qo‘llashi mumkin.
Chevrolet Onix’ning aniq narxi hozircha noma’lum. Narxlar avtomobilning Olmaotadagi taqdimotida e’lon qilinadi.
Ushbu avtomobil O‘zbekistondagi zavodlarda allaqachon ishlab chiqarilmoqda. Uning narxi 149 005 000 so‘m (13 000 dollar), ammo uni sotib olishda qiyinchiliklar mavjud, xususan, xaridorni bir yillik navbatlar kutadi.
Talgat Satibaldi, Ostona
Izoh (0)