Tesla bosh direktori Ilon Mask masofadan turib ishlashni “axloqiy jihatdan noto‘g‘ri” deb atadi. Shu bois u koronavirus pandemiyasi davrida ommalashib ketgan ushbu amaliyotni tanqid qildi.
CNBC muxbiri Devid Faberga bergan intervyusida Elon Mask Silikon vodiysining texnik ishchilarini “la-la-lendda yashovchi noutbuklar sinfi” deb atadi. U Faberga ofisda ishlash unumdorlikni oshirishiga ishonishini aytdi va COVID-19 cheklovlari olib tashlanganidan keyin ofisga qaytishdan bosh tortgan xodimlar takabburlikni bas qilib, boshqalar kabi ishxonaga qaytishi kerakligini ta’kidladi.
“Siz uydan ishlamoqchisiz, lekin mashinangizni ishlab chiqaradiganlarni zavodda ishlashga majburlamoqchimisiz? Sizga ovqat yetkazib beradigan odamlarchi — ular uydan ishlay olmaydi. Uyingizni ta’mirlaydigan odamlar-chi? Ular uydan ishlay olmaydi, siz ishlayverasizmi? Bu axloqiy jihatdan to‘g‘rimi? Noto‘g‘ri”, — dedi Mask.
Faber undan bu axloq masalasi deb o‘ylaysizmi, deb so‘raganida, tadbirkor ijobiy javob berdi:
“Bu ish masalasi, lekin axloqiy masala ham. Odamlar takabburlikni bas qilishi kerak, chunki ular o‘zlari ishlayotgan paytda qolganlardan uydan ishlamaslikni so‘ramoqda. Bu noto‘g‘ri”.
Ilon Mask masofadan ishlashni ochiq tanqid qilib keladi. Biznesmen Twitter’ni sotib olgach, barcha xodimlarga endi uydan ishlashga ruxsat berilmasligi va haftasiga 40 soat ofisda bo‘lishi kerakligi haqida xat yuborgan.
Izoh (0)