Turkiyada 14-may kuni bo‘lib o‘tgan prezidentlik saylovlarida hech qaysi nomzod birinchi turda g‘alaba qozonish uchun zarur bo‘lgan 50 foiz ovozni to‘play olmadi. Saylov byulletenlari 100 foiz hisoblab chiqilgach, amaldagi davlat rahbari Rajab Toyyib Erdo‘g‘on 49,24 foiz, uning asosiy raqibi, Olti muxolifatchi partiyasi alyansidan (Xalq alyansi) nomzod Kamol Qilichdaro‘g‘li esa 45 foiz ovoz olgani ma’lum bo‘ldi. Yakuniy g‘olib 28-may kuni bo‘lib o‘tadigan ikkinchi bosqichda aniqlanadi.
Turkiyada prezidentlik va parlament saylovlari tarixiy hodisa deb atalmoqda, chunki Erdo‘g‘on prezident bo‘lgan 20 yil vaqt ichida birinchi marta muxolifatchi nomzodda muvaffaqiyat qozonish imkoniyati paydo bo‘ldi.
Prezidentlikka yana bir nomzod Sinan Ogan 5,21 foiz ovozni qo‘lga kiritdi. Avvalroq saylovning to‘rtinchi nomzodi bo‘lgan Vatan partiyasi yetakchisi Muharrem Inje saylovda qatnashmasligini bildirgandi. Inje mazkur xatti-harakatiga saylovoldi tashviqoti paytida unga zarba bergan kompromatlar to‘lqini sabab bo‘lganini aytgan. Siyosatchi 45 kun davomida uning soxta, kompromat suratlari turk ommaviy axborot vositalarida tarqalib ketgani va huquq-tartibot idoralari bu faktlarni tekshirishdan chetlashganini ta’kidlagan.
Tahlilchilarning fikricha, birinchi turdagi natija turk jamiyatidagi qutblanishning yuqori darajasini tasdiqlaydi.
Ikkala asosiy nomzod ham yakuniy g‘alabaga ishonch bildirgan.
Izoh (0)