AQSH harbiy-dengiz kuchlari dengiz mushugini kompyuter o‘yinlarini o‘ynashga o‘rgatdi, deb xabar bermoqda “Pravila jizni” nashri.
Dengiz sutemizuvchilari kognitiv imkoniyatlarini o‘rganish bo‘yicha tadqiqot doirasida hayvonlarga video o‘yinlar o‘ynash o‘rgatilgan. Tajriba San-Diegodagi Poynt-Loma sohilida o‘tkazildi.
Tajribaning birinchi ishtirokchisi baliq, muz va kunduzgi uyquni juda yaxshi ko‘ruvchi Spayk laqabli dengiz mushugi bo‘lgan.
Video o‘yinlarni o‘ynash uchun Spayk tumshug‘i bilan bosadigan maxsus tugmalardan foydalangan. O‘yin davomida murabbiylar uni rag‘batlantirgan va mashg‘ulot tugaganidan keyin mukofot sifatida seld balig‘ini berishgan.
“Spayk o‘zini yaxshi his qilmoqda. Spayk va uning yaqinlari uchun bu quvonchli bo‘lgan uch yillik faoliyatga aylandi va ba’zilari hatto oziq-ovqat bilan rag‘batlantirilmasdan unda qatnashdi”, — deydi AQSH dengiz floti tadqiqotchisi Mezon Pedfort.
Olimning ta’kidlashicha, tadqiqotning butun davri davomida Spayk salomatlik ko‘rsatkichlarini yaxshilagan — uning vazni barqarorlashgan va tibbiy ko‘riklarda o‘zini yaxshi tutgan. Biroq tadqiqotchilar bunga o‘yinlar sabab bo‘lganiga ishonch hosil qilmagan.
AQSH harbiy-dengiz kuchlari vakillarining bergan xabarlariga ko‘ra, dastur doirasida 750 dan ortiq o‘yin sessiyalari o‘tkazilgan.
Izoh (0)