Mashhurlar o‘ziga hamroh izlashi shart emas, chunki ular qayerga borsa ham yonida tansoqchilari bo‘ladi. The Voice Gollivudning eng zo‘r tansoqchilari haqida ma’lumot berdi.
Megan Markl
Saroydagi hayotdan voz kechib, Gollivudga qochgan Sasseks gersoginyasi dunyoga mashhur model Kim Kardashyanning 2016-yilda o‘zi uchun ishlagan sobiq qo‘riqchisini yolladi.
Insayderlar Markl bu qo‘riqchini xavfsizlik uchun emas, alohida e’tiborga tushish va shov-shuv uchun tanlagani haqida fikr bildirgan. U Shahzoda Garri Londonda otasining taxtga chiqish marosimida bo‘lgan paytda, Meganga tog‘da sayr qilishda hamrohlik qilgan. Ular Maykl Jeksonning sobiq qo‘riqchisi Alberto Alvaresni ishdan bo‘shatishganidan ko‘p o‘tmay, mashhurlar oilasida yangi xodim paydo bo‘ldi.
Beyonse
Beyonse va Jey-Zi har doim bir nechta tansoqchilarni shtatda ushlab turadi, biroq Julius de Bur ularning eng uzoq vaqt xizmat qilgan qo‘riqchisi hisoblanadi. U 2008-yildan beri bu oila bilan ishlaydi va o‘z vazifalariga juda jiddiy yondashadi.
“Jismoniy va psixologik moslashuvchanlik — bu sizda bo‘lishi kerak bo‘lgan asosiy xususiyat”, — deydi u intervyularining birida.
Bella Hadid
Saymon Nyuton Gollivuddagi eng ko‘p talabga ega bo‘lgan tansoqchilardan biri hisoblanadi, Bella Hadid u bilan 2018-yildan buyon birga ishlaydi. Shuningdek sobiq harbiy Maykl Jekson, Kendall Jenner, Rita Ora, Naomi Kempbell va Keyt Moss kabi mashhurlarni qo‘riqlagan. U mashhurlar olamidagi faoliyatini 2006-yilda boshlagan.
“Mashhurning xavfsizligini nazorat qilganingizda, har doim qiladigan ishingiz bo‘ladi. Safardan oldingi rejalashtirish ko‘p vaqtni talab qilishi mumkin va ko‘pincha u yerda bu ishni qilib bo‘lmaydi. Bundan tashqari, ish kuni uzoq, siz ulardan oldin uyg‘onasiz va ulardan keyin yotasiz. Siz kuniga 16 soat, haftasiga yetti kun ishlashingiz mumkin”, — deydi Saymon. Bir necha yil oldin Nyuton mustaqil kino karyerasini boshlashga qaror qilgan.
Kayli Jenner
Odatda tansoqchilar o‘zlarining mashhur mijozlari soyasida qoladi, biroq Tim Chang 2018-yilda Kayli Jennerning qizi Stormining haqiqiy otasi ekanligi haqidagi mish-mishlar paydo bo‘lgach, katta mashhurlikka erishdi. Chang bu ma’lumotni rasman rad etishga majbur bo‘ldi.
“Kayli va Trevisga bo‘lgan chuqur hurmatim uchun ochiq aytaman, Kayli, uning oilasi bilan muloqotim faqat professional vazifalar bilan chegaralangan”, — deydi qo‘riqchi.
Bir paytlar Tim opa-singillar Kayli, Kim va Kortni hamda ularning farzandlarini qo‘riqlagan. Chang Los-Anjeles politsiyasida ham ishlagan va uning tashqi ko‘rinishi uzoq vaqtdan beri modellarni o‘ziga jalb qilgan.
Izoh (0)