Toshkent shahri Yunusobod tumanidagi ko‘p qavatli uyda 11-may kuni yong‘in sodir bo‘ldi. Favqulodda vaziyatlar vazirligi axborot xizmati holat yuzasidan ma’lumot berdi.
Ta’kidlanishicha, soat 15:24 da 14-daha “Sevinch” mahallasida joylashgan ko‘p qavatli uy xonadonlarining birida yong‘in sodir bo‘layotgani to‘g‘risida xabar tushgan. Yong‘in qutqaruvchilar soat 15:32 da voqea joyiga yetib borgan va yong‘in soat 15:54 da o‘chirilgan.
Yong‘in natijasida xonadonning 40 kvadrat metr maydonda uy jihozlari yonib zararlangan. Yong‘inni bartaraf etishga 3 ta yong‘in-qutqaruv ekipaji va 1 ta avtonarvon jalb etilgan. Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.
Izoh (0)