Surxondaryo viloyati Uzun tumanida Gentra jarlikka tushib ketishi oqibatida ikki kishi halok bo‘ldi. Bu haqda viloyat Yo‘l harakati xavfsizligi boshqarmasi axborot xizmati xabar berdi.
Viloyat IIB Yo‘l harakati xavfsizligi xizmati navbatchilik qismiga bu bo‘yicha xabar kelib tushgan. Unga ko‘ra, holat 7-may kuni 23:30 larda Uzun tumanidan o‘tuvchi 4K-620 avtomobil yo‘lining 51-kilometrida sodir bo‘lgan. Voqea joyini o‘rganish maqsadida masʼul rahbar va xodimlar yetib borgan.
Denov yo‘nalishidan harakatlanib kelayotgan Gentra xavfli burilishlarga eʼtibor bermasdan, chalg‘ishi oqibatida jarlikka tushib ketgan. Hodisada 1 nafar fuqaro voqea joyida, yana bir fuqaro esa tuman shoshilinch tibbiy bo‘limiga olib borilgan vaqtda halok bo‘lgan.
Izoh (0)