Qoraqalpog‘iston Jo‘qorg‘i Kengesi raisi Amanbay O‘rinbayev boshchiligidagi delegatsiya Namangan viloyatiga keldi. Bu haqda “Daryo” muxbiri Azizbek Abduvaliyev xabar bermoqda.

Foto: Namangan viloyati hokimligi axborot xizmati
Vazirlar, hokimlar, boshqarma boshliqlari, bank rahbarlari va tadbirkorlardan iborat delegatsiya Namangan viloyati hokimi Shavkat Abdurazzoqov hamrohligida Namangan shahridagi “Barkamol avlod”, “Dashtbog‘” va “Yuksalish” kichik sanoat zonalari, Fazman va “Iftixor kiyim sanoat” korxonalari, Davlatobod tumanidagi yoshlar ziyo maskanida bo‘ldi. Yangi Namangan shaharchasida olib borilayotgan qurilish ishlari bilan tanishdi.

Foto: Namangan viloyati hokimligi axborot xizmati
Mehmonlarda, xususan, “Dashtbog‘” kichik sanoat zonasining faoliyati katta taassurot qoldirdi. Namangan shahridagi aholi gavjum mahalla ichida joylashgan va 3 mingdan ortiq yangi ish o‘rinlari yaratilgan hududda hozirgacha 22 ta loyiha ishga tushirilgan.

Foto: Namangan viloyati hokimligi axborot xizmati
“Mahallaga sanoatni olib kirishni Namangan misolida o‘rganishimiz kerak ekan. Namanganlik tadbirkorlarni shunday loyihalarni amalga oshirish uchun Qoraqalpog‘istonga taklif etishga doim tayyormiz”, — dedi Amanbay O‘rinbayev.

Foto: Namangan viloyati hokimligi axborot xizmati
Namangan viloyati joriy yil 21-maydan boshlanadigan va bir oy davom etadigan xalqaro gullar festivaliga hozirlik ko‘rmoqda. Mehmonlar tadbirning asosiy manziliga aylangan Bobur nomli bog‘da ham bo‘lib, festivalga tayyorgarlik ishlari bilan tanishdi.

Foto: Namangan viloyati hokimligi axborot xizmati
Maʼlumot uchun, hozirda viloyatda yetishtirilgan 40 ming tupdan ortiq gullar namanganlik gulchilar tomonidan Qoraqalpog‘istonning Qorao‘zak tumaniga olib kelinib, hududni ko‘kalamzorlashtirish maqsadida ekilmoqda.

Foto: Qorao‘zak tuman hokimligi axborot xizmati
Izoh (0)