Chia urug‘i vazn yo‘qotadigan mahsulotlar orasida ishonchli tarzda o‘z o‘rnini egalladi. Sharhlar, reklama va ayrim shifokorlarning tavsiyasi bunga turtki bo‘ldi. Ortiqcha vazndan xalos qilishga mo‘ljallangan mahsulotlarning mas’uliyatli biznesida ushbu mahsulot yordamiga umid bog‘lash kerakmi yoki bu yondashuv o‘zini oqlamaydimi?
Kinoa, spirulina va amarant o‘simligidan keyin sotuvda paydo bo‘lgan hindularning navbatdagi merosi chia urug‘lari bo‘lib, u darhol superfudlar — metabolizmga ajoyib ta’sir ko‘rsatadigan mahsulotlar ro‘yxatiga kirdi.
Superfudlardan asosiy kutilgan natija: ularning vazn yo‘qotishga yordam berish xususiyati bilan bog‘liq. Urug‘lar va yong‘oqlar — har qanday sog‘lom ovqatlanish turining ajralmas qismidir. Ammo, afsuski, biz ko‘pincha yong‘oq yeyishni boshlaganda ularning qarsildoqligi va yoqimli mazasidan o‘zimizni tiyib tura olmaymiz, shu bilan birga ularning yuqori kaloriyaga ega ekanini unutib qo‘yamiz.
Meksika va Gvatemalada keng tarqalgan Salvia hispanica (ispan shalfeyi) cho‘l o‘simligining yeyish mumkin bo‘lgan urug‘lari alohida mavzudir. Suyuqlikka bo‘ktirilganda, urug‘ o‘n ikki martagacha kattalashib, jelega aylanadi. Bu urug‘lar bugungi kunda butun dunyoda chia sifatida tanilgan.
Chianing mo‘jizaviy xususiyati urug‘lardagi erimaydigan tolaning yuqori miqdori va uzoq assimilyatsiya zanjiriga ega bo‘lgan uglevod bilan bog‘liq. Klechatka suvni shimib oladi va shishadi; bir juft choy qoshiq urug‘dan ko‘zni ham, oshqozonni ham quvontiradigan to‘liq taom olishingiz mumkin. Siz bu urug‘larni quruq shaklda yoki ichimliklar, salatlar, souslar, donli mahsulotlarga qo‘shimcha sifatida ishlatsangiz bo‘ladi. So‘ng ular organizmda gelga aylanadi va ta’sir ham bir xil bo‘ladi.
Bir osh qoshiq (taxminan 30 gramm) chia tarkibida taxminan 11 gramm klechatka mavjud, bu kattalar uchun ovqatlanish bo‘yicha mutaxassislar tomonidan tavsiya etilgan kunlik miqdorning uchdan bir qismini tashkil qiladi.
Vazn yo‘qotish uchun chia urug‘lari: qanday natija bo‘ladi?
- oshqozonni bo‘sh qoldirmaydi;
- uzoqroq to‘yinganlik hissini beradi;
- ortiqcha ovqatlanish xavfi kamroq bo‘ladi;
- klechatkani uzoq vaqt qayta ishlash tufayli qonda qand darajasini pasayadi;
- ichaklar ishini me’yorlashtiradi va foydali mikroflorani rivojlantirish uchun qulay muhit yaratadi.
Chia urug‘lari tarkibidagi asosiy xususiyat — omega-3 to‘yinmagan yog‘li kislotalarning yuqori miqdori (o‘sha o‘ttiz grammlik porsiyada besh gramm). Sog‘lom yog‘ning ushbu maxsus turi inson miyasi va asab tizimi tomonidan tiklanish, rivojlanish uchun yoqilg‘i sifatida sarflanadi va uni zamonaviy inson menyusida tabiiy manbalarning bo‘lishi tom ma’noda oltinga teng. Tadqiqotlar shuni ko‘rsatadiki, omega-3 yog‘i chiaga issiqlik bilan ishlov berilsa ham, foydali xususiyatlarini yo‘qotmasdan mustahkam urug‘ po‘stlog‘i ostida saqlanadi.
Omega-3 kislotalari sog‘lom vazn yo‘qotish uchun zarurdir — ular metabolizmni tezlashtiradi va PPAR-alfa oqsilini faollashtirish xususiyati bilan eski yog‘ birikmalarini organizmdan chiqarib yuboradi. Bu esa jigarda yog‘larning to‘planishiga to‘sqinlik qiladi va uning teri ostida to‘planishining oldini oladi. Ispan olimlari tomonidan olib borilgan tadqiqotlarga ko‘ra, to‘yinmagan yog‘li kislotalarni iste’mol qilgan odam uzoq vaqt davomida yoqimli to‘yinganlik tuyg‘usini saqlab qoladi, bu chia urug‘lari ochlikka ikki marta zarba bera olishini anglatadi.
Chia urug‘larida suyaklar, tish va mushaklar uchun zarur bo‘lgan kalsiy, marganets va fosfor mavjud. Agar kundalik ratsioningizga quruq ekvivalentda taxminan 100 g chia urug‘ini qo‘shishga tayyor bo‘lsangiz, unda siz ushbu moddalarga bo‘lgan kunlik ehtiyojning taxminan 20-30 foizini qoplashingizga ishonchingiz komil bo‘lsin.
Shuni ta’kidlash kerakki, chia qon bosimining pasayishiga yordam beradi va shuning uchun u normadan pastroq bo‘lganlar uchun tavsiya etilmaydi. Bundan tashqari, bu urug‘larni iste’mol qilishni qonni suyultiruvchi vositalar bilan birlashtira olmaysiz. Homiladorlik va laktatsiya davrida bunday ekzotik oziq-ovqatlardan voz kechishingiz kerak bo‘ladi.
Chia urug‘ining ellik xil rangi
Sotuvga qo‘yilgan chia urug‘lari ko‘pincha tashqi ko‘rinishi bilan sezilarli darajada farqlanadi: quyuq, tim qora, kulrang, sarg‘ishdan tortib oq ranggacha... Ularning farqi bormi va qaysi biri foydaliroq?
Chia urug‘ini tanlashda sizni ogohlantirishi mumkin bo‘lgan yagona rang — qizil rangdir. Bu shuni anglatadiki, mahsulot pishib yetilmasdan turib yig‘ib olingan va katta ehtimol bilan hali vitaminlarga ega bo‘lib ulgurmagan. Shuningdek, yuqori nav sifatining ko‘rsatkichi urug‘larning o‘lchamidir. Agar tanlovingiz bo‘lsa, kattaroq urug‘larni sotib oling!
Izoh (0)