Hozirda dunyoda 20 dan ortiq qirollik oilalari mavjud. Quyida taxt merosxo‘rlari va monarxlarning avlodlari bilan tanishamiz.
Malika Leonor, Ispaniya
Malika Leonor 2014-yilda otasi taxtdan voz kechganidan so‘ng taxtga o‘tirgan qirol Filipp VI ning ikki qizining eng kattasi. U taxtga birinchi da’vogar — kelajakda 1868-yildan beri Ispaniyaning birinchi malikasiga aylanadi.
Shahzoda Jorj, Buyuk Britaniya
2013-yilda tug‘ilgan shahzoda Jorj shahzoda Uilyam va Keyt Middltonning to‘ng‘ich o‘g‘li, demak, u bir kun kelib qirol bo‘ladi. Hozirda u Britaniya taxtiga nomzod sifatida otasidan keyin ikkinchi o‘rinda turadi.
Hamdan ibn Muhammad al-Maktum, Dubay
Olouddinga qiyoslanadigan arab shahzodasi 1982-yilda tug‘ilgan. U akasi Rashid taxtdan voz kechgan 2008-yildan beri Dubay valiahd shahzodasi hisoblanadi. Hamdan jamoatchilikka yaxshi tanish, chunki u ijtimoiy tarmoqlarda faol — u yerda o‘zining hashamatli turmush tarzini namoyish etadi. Biroq qirollik oilasining a’zosi vazifalarini ham unutmaydi va ko‘p vaqtini xayriya ishlariga bag‘ishlaydi. 2019-yilda shahzoda amakivachchasi Shayxa bintu Said ibn Tani al-Maktumga uylandi, 2021-yilda ular farzandli bo‘ldi.
Malika Estel, Shvetsiya
Malika Estel Shvetsiya valiahd malikasi Viktoriyaning to‘ng‘ich farzandi va Shvetsiya taxtiga nomzod sifatida onasidan keyin ikkinchi o‘rinda turadi. Uning to‘liq ismi Estel Silvia Eva Meri. U 2012-yil 23-fevralda tug‘ilgan.
Malika Yelizaveta, Belgiya
Belgiya malikasi Yelizaveta 2001-yil 25-oktabrda tug‘ilgan. U qirolning to‘ng‘ich farzandi, aka-ukalari bo‘lsa-da, Belgiya taxtining birinchi vorisi hisoblanadi. Bu uning tug‘ilishidan 10 yil oldin qabul qilingan taxtga vorislik qoidalarining o‘zgarishi tufayli sodir bo‘ldi.
Agar u taxtga o‘tirsa, Belgiyaning birinchi hukmron qirolichasiga aylanadi. Malika golland, fransuz, nemis va ingliz tillarini biladi. U 2020-yil may oyida Uelsdagi UWC Atlantic kollejini tamomlagan va Bryusseldagi Belgiya harbiy akademiyasiga o‘qishga kirgan. Malika o‘qishda qiyinchiliklarga duch kelgan bolalar, qariyalar, uysizlar va nogironlarga yordam berish uchun ko‘plab volontyorlik ishlarni amalga oshiradi.
Shahzoda Kristian, Daniya
Shahzoda Kristian 2005-yilda tug‘ilgan. U Daniya valiahd shahzodasi Frederikning to‘ng‘ich farzandi va qirolicha Margret II ning nabirasi. U taxtda otasidan keyin ikkinchi o‘rinda turadi. Qizig‘i shundaki, 16-asrdan boshlab Daniya monarxlarining to‘ng‘ich farzandi yo Kristian yoki Frederik deb ataladi.
Shahzoda Jak, Monako
To‘liq ismi Jak Onore Rainier Grimaldi bo‘lgan shahzoda Jak 2014-yil 10-dekabrda tug‘ilgan. Uning o‘zidan 2 daqiqa katta bo‘lgan malika Gabriella ismli egizak opasi bor. Biroq saroy qoidalariga ko‘ra, Jak Monegask taxtining vorisi hisoblanadi.
Shahzoda Mulay Hassan, Marokash
Marokash shahzodasi Mulay Hassan 2003-yilda tug‘ilgan. Qirol Muhammad VI ning to‘ng‘ich farzandi sifatida u Marokash taxtining vorisi hisoblanadi. Shahzoda arab, fransuz, ingliz va ispan tillarini yaxshi biladi. U, shuningdek, iqtisod va ijtimoiy fanlar bo‘yicha xalqaro bakalavr darajasini olgan — kelajakda aviatsiya yo‘nalishida o‘qishni rejalashtirmoqda. Shahzoda allaqachon o‘zining qirollik vazifalariga ko‘nikib, qirollik tashriflarini amalga oshiradi va dunyo rahbarlari bilan muloqot qilgan holda ko‘pincha otasini tanishtiradi.
Malika Katarina-Amaliya, Niderlandiya
Katarina-Amaliya 2003-yilda tug‘ilgan. Oilasidagi uch qizning eng kattasi sifatida u 2013-yilda otasi taxtga o‘tirganidan so‘ng taxt vorisi bo‘ldi. Malika va uning opa-singillari qirollik oilasi a’zolari bo‘lishsa-da, oddiy maktabda o‘qishgan. Malika golland, ingliz va ispan tillarida gapiradi. U ot minishni, xokkeyni, qo‘shiq aytishni va pianino chalishni yaxshi ko‘radi.
Malika Ingrid Aleksandra, Norvegiya
Malika Ingrid Aleksandra Norvegiya valiahd shahzodasi Xokonning to‘ng‘ich farzandi. U 2004-yilda tug‘ilgan va hozirda otasidan keyin ikkinchi merosxo‘r hisoblanadi. Agar u taxtga o‘tirsa, XV asrda monarx bo‘lgan qirolicha Margaretdan keyin Norvegiyaning ikkinchi malikasiga aylanadi.
Izoh (0)